హైకోర్టు ఆదేశాల మేరకే ఆర్టీసీ జేఏసీ నేతలను 21 అంశాలపై చర్చించాలని కోరినట్లు ఆర్టీసీ ఇంఛార్జ్ ఎండీ సునీల్ శర్మ స్పష్టం చేశారు. హైదరాబాద్ ఎర్రమంజిల్ ఈఎన్సీ కార్యాలయంలో జేఏసీ నేతలతో జరిగిన చర్చలపై అధికారులు స్పందించారు. సమావేశానికి ఎలాంటి భంగం కలగకూడదనే భావనతోనే చరవాణులు అనుమతించలేదని సునీల్ శర్మ తెలిపారు. 21 అంశాలపై చర్చించాలని సుమారు గంటన్నర పాటు బుజ్జగించామని... అయినా నేతలు తమ పట్టు వీడలేదని అధికారులు తెలిపారు. కార్మికులతో మాట్లాడి వస్తామని వెళ్లిన నేతలు మళ్లీ వస్తారని చాలాసేపు ఎదురుచూశామని... అయినా రాలేదని తెలిపారు.
'మేం ఎంత బుజ్జగించినా... జేఏసీ నేతలు పట్టు వీడలేదు'