'విద్యుత్​ ఉద్యోగులు రెట్టింపు ఉత్సాహంతో పని చేయాలి'

ఖైరతాబాద్​లో తెలంగాణ విద్యుత్​ ఇంజినీర్స్​ సంఘం నూతన డైరీ, క్యాలెండర్లను టీఎస్​ జెన్​కో ఎండీ ప్రభాకర్​ రావు పలువురితో కలిసి ఆవిష్కరించారు. మరింత ఉత్సాహంతో పనిచేయాలని విద్యుత్​ శాఖ ఉద్యోగులను ఉద్దేశించి ప్రసంగించారు.

ముఖ్యమంత్రి సూచించిన లక్ష్యాన్ని అధిగమించేందుకు మరింత రెట్టింపు ఉత్సాహంతో విద్యుత్ శాఖలో పని చేస్తున్న ఇంజినీర్లు పని చేయాలని టీఎస్ జెన్​కో ఎండీ ప్రభాకర్ రావు కోరారు. హైదరాబాద్​ ఖైరతాబాద్​లోని విశ్వేశ్వరయ్య భవన్​లో జరిగిన తెలంగాణ విద్యుత్ ఇంజినీర్స్ సంఘం నూతన సంవత్సర డైరీ, క్యాలెండర్ ఆవిష్కరణ సభకు హాజరయ్యారు. టీఎస్​ఎస్పీడీసీఎల్​ ఎండీ రఘుమారెడ్డి, డైరెక్టర్లతో కలిసి డైరీ, క్యాలెండర్​ను ప్రభాకర్ రావు ఆవిష్కరించారు. 24గంటల విద్యుత్ సరఫరా లక్ష్యాన్ని చేధించినప్పటికీ... దానిని నిలబెట్టుకోవాలని ప్రభాకర్ రావు ఇంజినీర్లకు సూచించారు.
ఇంత అభివృద్ధి చెందుతున్నప్పటికీ... వర్షం, గాలి దూమారాలు వచ్చినప్పుడు విద్యుత్ నిలిచిపోతుందని... ఆ నానుడిని అధిగమించేందుకు కృషి చేయాలని కోరారు. సంఘం నాయకులు లేవనేత్తిన డిమాండ్లు, పదోన్నతులు... సంఘం నూతన భవన నిర్మాణంపై ప్రభాకర్ రావు సానుకూలంగా స్పందించారు.

ఇవీ చూడండి: ప్రగతిభవన్​లో "మందర మకరందం" పుస్తకావిష్కరణ