KK On Central: ఉత్తర భారత్‌కే భాజపా ప్రభుత్వం ఎక్కువ ప్రాధాన్యమిస్తోందని తెరాస పార్లమెంటరీ పార్టీ నేత కె.కేశవరావు ఆరోపించారు. దక్షిణ భారత్పై కేంద్రం చిన్నచూపు చూస్తోందని విమర్శించారు. డాలర్‌తో పొలిస్తే రోజురోజుకూ రూపాయి విలువ పడిపోతోందని ఆగ్రహం వ్యక్తం చేశారు. దేశంలో ద్రవ్యోల్బణం, నిరుద్యోగం విపరీతంగా పెరిగిందని ఆయన మండిపడ్డారు.
పార్లమెంట్ ఆవరణలో ధర్నాలు, సమ్మెపై ఆంక్షలు విధిస్తూ సర్క్యూలర్‌ ఇచ్చారని కేశవరావు అన్నారు. అయినప్పటికీ ధర్నాలు, ఆందోళనలు జరుగుతాయని తేల్చి చెప్పారు. దేశంలో తెలంగాణ అంతగా వివక్షకు గురైన రాష్ట్రం ఏదీ లేదన్నారు. రోజురోజుకూ దేశంలోని సంస్థలను ప్రైవేటుపరం చేస్తున్నారని మండిపడ్డారు. దేశంలో పెరుగుతున్న నిత్యావసరాల ధరలపైనా చర్చించామని ఆయన తెలిపారు. తెలంగాణ జీఎస్‌డీపీ 5.06 లక్షల కోట్ల నుంచి 11.06 లక్షల కోట్లకు పెరిగిందని ఎంపీ కేశవరావు వెల్లడించారు.
తెలంగాణపై కుట్ర: నామ