వలస కార్మికులకు రాగి జావ పంపిణీ

హైదరాబాద్​ విక్టోరియా గ్రౌండ్​లో ఏర్పాటు చేసిన శిబిరంలోని వలస కార్మికులకు తెరాస నేతలు రాగి జావ అందించారు. నిబంధనలు పాటించి కరోనాను తరిమికొట్టేందుకు సహకరించాలని కార్మికులను కోరారు.

తెరాస కార్మిక విభాగం మలక్​పేట్ ఇంఛార్జ్ కరీంగల మారుతి ఆధ్వర్యంలో హైదరాబాద్​లో ఇరుక్కుపోయిన వలస కార్మికులకు రాగి జావ పంపిణీ చేశారు. వలస కార్మికుల కోసం ప్రత్యేకంగా ఏర్పాటు చేసిన విక్టోరియా గ్రౌండ్ శిబిరంలో మహారాష్ట్ర, మధ్యప్రదేశ్, గుజరాత్, ఉత్తరప్రదేశ్, హర్యానా, తమిళనాడుకు చెందిన 150 మందికి రాగి జావ అందించారు. లాక్​డౌన్​ నిబంధనలు పాటిస్తూ... కరోనాను తరిమికొట్టాలని కార్మికులకు నేతలు సూచించారు.

ఇదీ చూడండి:-లక్ష్మణరేఖ దాటకుండా కరోనాను జయిద్దాం