భాజపాకు తెరాస మద్దతు పలుకుతోంది: కోదండ రెడ్డి

తెరాస, భాజపాలు రెండు ఒక్కటేనని కిసాన్ కాంగ్రెస్​ జాతీయ ఉపాధ్యక్షుడు కోదండ రెడ్డి ఆరోపించారు. గ్రేటర్​ ఎన్నికల్లో రెండు పార్టీల మధ్య లోపాయికారి ఒప్పందం ఉందని విమర్శించారు. పార్లమెంటులో ప్రతి బిల్లుకు తెరాస మద్దతు తెలిపిందని ఆయన మండిపడ్డారు.

భాజపాతో తెరాసకు లోపాయికారి ఒప్పందం కుదిరిందని కిసాన్​ కాంగ్రెస్​ జాతీయ ఉపాధ్యక్షుడు కోదండ రెడ్డి ఆరోపించారు. కేంద్రప్రభుత్వం పార్లమెంటులో ప్రవేశపెట్టిన ప్రతి బిల్లుకు తెరాస మద్దతు తెలిపిందని విమర్శించారు. మాజీ దివంగత ప్రధాని రాజీవ్​గాంధీ సంస్కరణలతోనే స్థానిక సంస్థలకు పెద్దఎత్తున నిధులు వస్తున్నాయని ఆయన తెలిపారు.

భాజపా, తెరాసలు కలిసి ప్రభుత్వరంగ వ్యవస్థలను కుప్పకూల్చారని మండిపడ్డారు. గ్రేటర్​లో ఎన్నికలు పారదర్శకంగా జరిగేలా ఎన్నికల కమిషన్​ చర్యలు తీసుకోవాలన్నారు. బిల్లర్స్ అసోసియేషన్ సభ్యులను మంత్రి కేటీఆర్ మద్దతు కోరడంపై కోదండరెడ్డి తీవ్ర అభ్యంతరం వ్యక్తం చేశారు.

ఇదీ చూడండి:'మత ఘర్షణలు ఎక్కడ జరుగుతున్నాయో కేసీఆర్‌, కేటీఆర్‌ చెప్పాలి' ​