రాష్ట్రంలో ప్రశ్నించే గొంతుకలు ప్రశ్నార్థకంగా మారుతున్నాయని ఎద్దేవా చేశారు తెరాస మాజీ ఎంపీ బూర నర్సయ్యగౌడ్. హైదరాబాద్ తెలంగాణ భవన్లో మాట్లాడిన ఆయన హస్తం నేతలు పార్లమెంటుకు, అసెంబ్లీకి తేడా లేకుండా మాట్లాడుతున్నారని ఎద్దేవా చేశారు. కాంగ్రెస్ ఎంపీలు గల్లీలో మాట్లాడే అంశాలను దిల్లీలో ప్రస్తావిస్తున్నారని ఆరోపించారు. పార్లమెంటులో ముఖ్యమంత్రి కేసీఆర్ను విమర్శించడం తగదన్నారు. రాష్ట్ర విభజన అంశాలపై భాజపాను ప్రశ్నించే దమ్ము లేదని విమర్శించారు. ప్రజలు గెలిపించినందుకు వారి నమ్మకాన్ని నిలబెట్టాలని సూచించారు.
కాంగ్రెస్ నేతల వ్యాఖ్యలపై మండిపడ్డ బూర నర్సయ్యగౌడ్