వేగంగా వస్తున్న రైలు కింద పడి యువకుడి ఆత్మహత్య

జీవితం చాలా విలువైనది. కానీ కొందరు చిన్న చిన్న సమస్యలకు చావే పరిష్కారం అనుకుంటున్నారు. వాటిని ఎదుర్కోలేక ఆత్మహత్యకు పాల్పడుతున్నారు. ఓ వ్యక్తికి ఏం కష్టం వచ్చిందో ఏమో... రైలు కింద పడి బలవన్మరణం చేసుకున్నాడు. ఈ ఘటన హైదరాబాద్​లోని కూకట్​పల్లి పరిధిలో చోటుచేసుకుంది.

హైదరాబాద్​ కూకట్​పల్లి పరిధిలో విషాదం చోటుచేసుకుంది. హైటెక్​సిటీ రైల్వేస్టేషన్​లో ఓ వ్యక్తి... వేగంగా వస్తున్న రైలుకు ఎదురుగా వెళ్లి ఆత్మహత్యకు పాల్పడ్డాడు.

అతని వద్ద రైల్వే పాస్​ను పరిశీలించగా... మృతుడు ఖమ్మం జిల్లా ప్రాంతానికి చెందిన సైదులుగా తెలిసింది. పూర్తి వివరాలు ఇంకా తెలియాల్సి ఉంది. సంబంధిత వ్యక్తులు వస్తే... పూర్తి వివరాలు తెలిసే అవకాశం ఉందని వెల్లడించారు. మృతదేహాన్ని రైల్వేపోలీసులు... శవపరీక్ష నిమిత్తం గాంధీ ఆసుపత్రికి తరలించారు.

ఇదీ చూడండి: రజనీకి విలన్​గా 'ఖుషీ' దర్శకుడు