Mahesh Kumar Goud on Congress Senior Leaders: పార్టీలో ప్రజాస్వామ్యం ఉందని హద్దుమీరి వ్యవహరిస్తే అధిష్ఠానం చూస్తూ ఉరుకోదని టీపీసీసీ కార్యనిర్వాహక అధ్యక్షుడు మహేష్ కుమార్ గౌడ్ స్పష్టం చేశారు. అసమ్మతి నేతల తీరుతో పార్టీకి నష్టం కలిగితే వారే బాధ్యత వహించాల్సి ఉంటుందన్నారు. హైదరాబాద్ గాంధీభవన్‌లో ఏర్పాటు చేసిన మీడియా సమావేశంలో ఈ మేరకు మహేష్ గౌడ్ వ్యాఖ్యలు చేశారు.
జగ్గారెడ్డికి విజ్ఞప్తి
పార్టీలో ఏ నేత అయినా బాహాటంగా మాట్లాడటం సరికాదని మహేష్ హితవు పలికారు. సవాళ్లు అనేవి ప్రతిపక్ష నేతలపై విసరాలని ఎమ్మెల్యే జగ్గారెడ్డిని విజ్ఞప్తి చేస్తున్నట్లు పేర్కొన్నారు. మంత్రి హరీశ్ రావును వీహెచ్ కలిసిన అంశం కూడా అధిష్ఠానం పరిశీలిస్తోందని పేర్కొన్నారు. ఆదివారం జరిగిన సీనియర్ల సమావేశం గురించి ఏఐసీసీకి నివేదించినట్లు వెల్లడించారు. ప్రతి పార్టీలో కోవర్ట్‌ వ్యవస్థ ఉంటుందని.. తమ పార్టీలో కూడా ఉండవచ్చని అభిప్రాయపడ్డారు.
బాహాటంగా వద్దు