పీవీ నరసింహరావు తెలుగుజాతికి గర్వకారణం: ఉత్తమ్​

ఒక సామాన్య కార్యకర్త స్థాయి నుంచి దేశానికే ప్రధానిగా ఎదిగిన పీవీ నరసింహరావు తెలుగు వారికి గర్వకారణమని టీపీసీసీ అధ్యక్షులు ఉత్తమ్​కుమార్​ రెడ్డి కొనియాడారు. పీవీ శత జయంతి ఉత్సవాల సందర్భంగా గాంధీభవన్​లో ఆయన చిత్ర పటానికి పూల మాలలు వేసి నివాళులర్పించారు.

ప్రధాన మంత్రిగా పీవీ నరసింహరావు చేపట్టిన ఆర్థిక సంస్కరణలు.. దేశాన్ని ప్రగతిపథంలో నడిపాయని టీపీసీసీ అధ్యక్షులు ఉత్తమ్​ కుమార్​రెడ్డి పేర్కొన్నారు. గాంధీభవన్​లో పీవీ శత జయంతి ఉత్సవాలను పురస్కరించుకుని ఆయన చిత్ర పటానికి పూలమాలలు వేసి ఘనంగా నివాళులర్పించారు.

ఒక సామాన్య కార్యకర్త స్థాయి నుంచి దేశానికే ప్రధానిగా ఎదిగిన పీవీ తెలుగువారికి గర్వకారణమని ఉత్తమ్​ కొనియాడారు. రాజనీతిజ్ఞుడిగా, బహుముఖ ప్రజ్ఞాశాలిగా ఆయన దేశ చరిత్రలో చిరస్థాయిగా నిలిచిపోతారని తెలిపారు. అంతటి గొప్ప వ్యక్తి శత జయంతి సందర్భంగా ప్రభుత్వం ఏడాది పాటు వేడుకలు నిర్వహించడాన్ని తాము స్వాగతిస్తున్నామన్నారు. కేంద్ర, రాష్ట్ర ప్రభుత్వాలు పీవీని ఆదర్శంగా తీసుకుని పాలన సాగించాలని అన్నారు.

ఉత్తమ్​తో పాటు ఎమ్యెల్యే శ్రీధర్ బాబు, పీసీసీ కార్య నిర్వాహక అధ్యక్షులు పొన్నం ప్రభాకర్, ఏఐసీసీ కార్యదర్శి చిన్నా రెడ్డి, ఏఐసీసీ అధికార ప్రతినిధి దాసోజు శ్రవణ్, మాజీ ఎంపీలు అంజన్​కుమార్ యాదవ్, మల్లు రవి తదితరులు పీవీ చిత్రపటం వద్ద పుష్ప గుచ్ఛాలు ఉంచి నివాళులు అర్పించారు.