రాష్ట్ర రాజధాని హైదరాబాద్లోని పలు ఐటీ సంస్థలతో పాటు వివిధ వ్యాపార సంస్థలకు టూర్స్ అండ్ ట్రావెల్స్ నిర్వాహకులు వాహనాలు అద్దెకు ఇస్తారు. టూర్స్ అండ్ ట్రావెల్స్ నడిపించే వాహనాలు రాష్ట్ర వ్యాప్తంగా సుమారు ఐదున్నర వేల వరకు ఉంటాయి. లాక్డౌన్తో సుమారు రెండున్నర నెలలు తమ వాహనాలను గ్యారేజ్కే పరిమితం చేశారు. ఆ తర్వాత కొన్ని సంస్థలు, ఐటీ కంపెనీలు ప్రారంభమైనా... చాలా ఐటీ కంపెనీలు వర్క్ ఫ్రం హోమ్కే ప్రాధాన్యత ఇవ్వడం వల్ల ఇప్పడు వీటికి డిమాండ్ తగ్గిపోయింది.
టాక్స్ మినహాయించాలి
టూర్స్ అండ్ ట్రావెల్స్ పరిస్థితి లాక్డౌన్కు ముందు.. తర్వాత ఏమాత్రం మారలేదని నిర్వాహకులు ఆందోళన చెందుతున్నారు. అందుకే ప్రభుత్వం స్పందించి ఆరు నెలల టాక్స్ను మినహాయించాలని విజ్ఞప్తి చేస్తున్నారు. కేరళ, తమిళనాడు, ఏపీలకు వెళ్లే వాహనాల టాక్స్ను ఏడాది పాటు మినహాయించాలని కోరారు. ఖైరతాబాద్ ఆర్టీఏ కార్యాలయం ముందు ధర్నా నిర్వహించారు. తమ వాహనాలను ఆర్టీఏ కార్యాలయం పరిసరాల చుట్టూ నిలిపి వెళ్లిపోయారు. తమ సమస్యలు పరిష్కరించే వరకు వాటిని అక్కడే వదిలివెళ్తామని స్పష్టం చేశారు. ఇప్పటికే అప్పులు చేసి కిస్తీలు చెల్లిస్తున్నామని. టూర్స్ అండ్ ట్రావెల్స్ నిర్వహణ భారంగా మారిందని వాపోతున్నారు. తమను ఆదుకోవాలని కోరుతున్నారు.
ఇదీ చదవండి:59 చైనా యాప్లపై నిషేధం