- 11 మంది రాజ్యసభ సభ్యులపై సస్పెన్షన్ వేటు
11 మంది రాజ్యసభ సభ్యులపై సస్పెన్షన్ వేటు పడింది. నిరసనలతో గందరగోళం సృష్టిస్తూ, సభా కార్యకలాపాలకు అంతరాయం కలిగిస్తున్నారంటూ వారందరిపై ఈమేరకు చర్యలకు తీర్మానించింది ఎగువసభ. వారం రోజులు సస్పెండ్ చేస్తున్నట్లు డిప్యూటీ ఛైర్మన్ ప్రకటించారు.
- రానున్న 3 రోజులు అతి భారీ వర్షాలు
రాష్ట్రంలో మరో మూడ్రోజుల పాటు భారీ నుంచి అతి భారీ వర్షాలు కురిసే అవకాశముందని హైదరాబాద్ వాతావరణ శాఖ హెచ్చరికలు జారీ చేసింది. ఇవాళ అతిభారీ వర్షాలు కురుస్తాయని తెలిపింది. ద్రోణి ప్రభావంతో భారీ వానలు పడతాయని వెల్లడించింది. రేపు తెలంగాణలో తేలికపాటి నుంచి మోస్తరు వర్షాలు కురిసే అవకాశముందని ప్రకటించింది. గురువారం రోజున తేలిక పాటి నుంచి భారీ వర్షాలు కురుస్తాయని వెల్లడించింది. ప్రజలంతా అప్రమత్తంగా ఉండాలని సూచించింది. అత్యవసరమైతే తప్ప బయటకు వెళ్లకూడదని స్పష్టం చేసింది.
- ఏపీ ఈఏపీసెట్‌ ఫలితాలు వచ్చేశాయ్..
ఏపీ ఈఏపీసెట్‌ ఫలితాలు విడుదలయ్యాయి. మంగళవారం ఉదయం విజయవాడలో ఆ రాష్ట్ర మంత్రి బొత్స సత్యనారాయణ ఫలితాలను విడుదల చేశారు. ఇంజినీరింగ్‌, వ్యవసాయ కోర్సుల్లో ప్రవేశాలకు మొత్తం 3,01,172 మంది దరఖాస్తు చేసుకోగా.. 2,82,496 మంది పరీక్షకు హాజరయ్యారు. ఇందులో ఇంజినీరింగ్‌ పరీక్ష 1,94,752, వ్యవసాయ కోర్సు పరీక్ష 87,744 మంది రాశారు. ఇంజినీరింగ్‌లో 89.12 శాతం మంది విద్యార్థులు ఉత్తీర్ణత సాధించగా.. వ్యవసాయ విభాగంలో 95.06 శాతం మంది విద్యార్థులు ఉత్తీర్ణత పొందారు.
- వానొచ్చింది.. వరద తెచ్చింది.. ముంచింది
Rains In Hyderabad: భాగ్యనగరంలో రాత్రి కురిసిన భారీ వర్షానికి పలుప్రాంతాలు అతలాకుతలమయ్యాయి. ప్రధాన రహదారులపై మోకాల్లోతు నీరు నిలిచింది. గాజులరామారం, ఎల్బీనగర్లోని పలు కాలనీలు జలమయమయ్యాయి. కొన్ని ప్రాంతాల్లో ఇళ్లలోకి వరద నీరు వచ్చి చేరింది. ఇళ్లలో నుంచి బయటికి రాలేని పరిస్థితి నెలకొంది.
- పెద్ద చెరువు అలుగు అందం..
