గవర్నర్ కోటా కింద నియమాకమైన నూతన ఎమ్మెల్సీలు బుధవారం ప్రమాణ స్వీకారం చేయనున్నారు. నామినేటెడ్ ఎమ్మెల్సీలు గోరెటి వెంకన్న, బస్వరాజు సారయ్య, బొగ్గారపు దయానంద్ రేపు ఉదయం పది గంటలకు ప్రమాణం చేయనున్నారు. శాసనమండలి ఛైర్మన్ గుత్తా సుఖేందర్ రెడ్డి తన ఛాంబరులో కొత్త ఎమ్మెల్సీలతో ప్రమాణం చేయించనున్నారు.
గోరెటి వెంకన్న నియామకంతో మండలిలో ఎస్సీ సభ్యుల సంఖ్య నాలుగుకు చేరింది. సారయ్య నియామకంతో బీసీ ఎమ్మెల్సీల సంఖ్య తొమ్మిదికి చేరింది. మండలిలో తొలి ఆర్యవైశ్య సభ్యునిగా దయానంద్ గుర్తింపు పొందారు.