Temperature in TS: తగ్గని భానుడి ప్రతాపం.. పలు జిల్లాల్లో గరిష్ఠ ఉష్ణోగ్రతలు

Temperature in TS: రాష్ట్రంలో ఎండలు ప్రజలను బెంబేలెత్తిస్తున్నాయి. భానుడి ప్రతాపంతో ప్రజలు ఇబ్బందులు పడుతున్నారు. ఇవాళ అత్యధికంగా పలు జిల్లాల్లో 45 డిగ్రీల సెల్సియస్​కు పైగా ఉష్ణోగ్రతలు నమోదయ్యాయి.

Temperature in TS: రాష్ట్రంలో భానుడి భగభగలు ఇంకా తగ్గడం లేదు. పలు జిల్లాల్లో అత్యధిక ఉష్ణోగ్రతలు నమోదవుతున్నాయి. ఏదైనా పని నిమిత్తం బయటకు వెళ్లలేక ఇంటికే పరిమితమవుతున్నారు. అత్యవసరం అయితే తప్ప.. ప్రయాణాలకూ దూరంగానే ఉంటున్నారు. తాజాగా సూర్యాపేట, ఖమ్మం, కరీంనగర్​ జిల్లాల్లోని పలు మండలాల్లో 45 డిగ్రీలకు పైగా ఉష్ణోగ్రతలు నమోదయ్యాయి.

రాష్ట్రంలో ఉష్ణోగ్రతలు ఇలా..:కుమురంభీం ఆసిఫాబాద్​ జిల్లా పెంచికల్​పేట, ఖమ్మం జిల్లా నేలకొండపల్లి మండలాల్లో అత్యధికంగా 45.4 డిగ్రీల సెల్సియస్ ఉష్ణోగ్రతలు నమోదయ్యాయి. నల్గొండ జిల్లాలోని దామరచర్లలో 45.2, ఖమ్మం జిల్లా నాగులవంచ, ఆదిలాబాద్​ జిల్లాలోని జైనథ్​లో 45.1 డిగ్రీల సెల్సియస్ ఉష్ణోగ్రత నమోదైంది. రాష్ట్రవ్యాప్తంగా పలు జిల్లాల్లో నలభై డిగ్రీలకు పైగా ఉష్ణోగ్రతలు నమోదైనట్లు వాతావరణశాఖ వెల్లడించింది.

పలు జిల్లాల్లో గరిష్ఠ ఉష్ణోగ్రతలు

ఇవీ చదవండి: