weather report: రాష్ట్రంలో పొడి వాతావరణం..!

రాష్ట్రంలో శుక్రవారం పొడి వాతావరణ ఉండే అవకాశాలున్నాయని హైదరాబాద్‌ వాతావరణ కేంద్రం ప్రకటించింది (weather report). శనివారం నుంచి అక్కడక్కడా తేలికపాటి నుంచి మోస్తరు వర్షాలు కురుస్తాయని వెల్లడించింది.

రాష్ట్రంలో శుక్రవారం పొడి వాతావరణం ఉంటుందని వాతావరణ కేంద్రం తెలిపింది (weather report). శనివారం నుంచి పలు చోట్ల తేలికపాటి నుంచి మోస్తారు వర్షాలు కురిసే అవకాశాలున్నాయని హైదరాబాద్​ వాతావరణ కేంద్రం సంచాలకులు విడుదల చేసిన ప్రకటనలో పేర్కొన్నారు (telangana weather update). ఈ రోజు కిందిస్థాయి గాలులు ఈశాన్య దిశ నుంచి తెలంగాణ రాష్ట్రం మీదుగా వీస్తున్నాయన్నారు.

బుధవారం.. మధ్య దక్షిణ బంగాళాఖాతం పరిసర ప్రాంతాలలో ఉన్న అల్పపీడనం ఇవాళ శ్రీలంక తీరంలోని ఆగ్నేయ బంగాళాఖాతం వద్ద కొనసాగుతూ ఉందని తెలిపారు. ఈ అల్పపీడనానికి అనుబంధంగా ఉన్న ఉపరితల ఆవర్తనం సగటు సముద్ర మట్టానికి సుమారు 3.1 కీమీ ఎత్తు వరకు వ్యాపించిందని... ఇది రాగల 48 గంటలలో పశ్చిమ దిశగా ప్రయాణించే అవకాశం ఉందని సంచాలకులు వివరించారు. తూర్పు గాలులలో ఉన్న ఉపరితల ద్రోణి ఈ రోజు శ్రీలంక తీరంలోని ఆగ్నేయ బంగాళాఖాతంలో ఉన్న అల్పపీడనం నుంచి వాయువ్య బంగాళాఖాతం వరకు కొనసాగుతూ సగటు సముద్ర మట్టానికి సుమారు 1.5 కిమీ ఎత్తు వరకు వ్యాపించి ఉందని తెలిపారు.

ఇదీ చూడండి:Tragedy : ఒకే వీధిలో ముగ్గురు యువతులు అదృశ్యం.. చెరువులో ఇద్దరి మృతదేహాలు