శేరిలింగంపల్లి జోన్ పరిధిలో అక్రమ నిర్మాణాలపై జీహెచ్ఎంసీ అధికారులు ఉక్కుపాదం మోపుతున్నారు. శేరిలింగంపల్లి మున్సిపల్ సర్కిల్ పరిధిలో ఉన్న గచ్చిబౌలి టీఎన్జీవో కాలనీలో అక్రమంగా నిర్మిస్తున్న నిర్మాణాలను మున్సిపల్ అధికారులు కూల్చి వేస్తున్నారు.
అక్రమ నిర్మాణాలపై.. జీహెచ్ఎంసీ ఉక్కుపాదం! - జీహెచ్ఎంసీ అధికారుల ఆగ్రహం
నగరంలోని పలు ప్రాంతాల్లో నిర్మించిన అక్రమ నిర్మాణాలపై జీహెచ్ఎంసీ అధికారులు ఉక్కుపాదం మోపుతున్నారు. అనుమతులు లేకుండా నిర్మించిన భవనాలు, పరిమితిని మించి కట్టిన నిర్మాణాలపై కఠినంగా వ్యవహరిస్తున్నారు. శేరిలింగంపల్లి జోన్ పరిధిలోని అక్రమ నిర్మాణాలను గుర్తించి వాటిని కూల్చేందుకు చర్యలు తీసుకుంటున్నారు.
అక్రమ నిర్మాణాలపై.. జీహెచ్ఎంసీ ఉక్కుపాదం!
ఇప్పటి వరకు టీఎన్జీవో కాలనీలో పదిహేను అక్రమ నిర్మాణాలను గుర్తించామని మున్సిపల్ అధికారులు తెలిపారు. ఉన్నతాధికారుల ఆదేశాల మేరకు మూడు టీమ్లతో నిర్మాణాలను తొలగిస్తున్నట్టు జీహెచ్ఎంసీ అధికారులు తెలిపారు. శేరిలింగంపల్లి సర్కిల్ పరిధిలో ఎలాంటి అక్రమ నిర్మాణాలను ఉపేక్షించేది లేదని జీహెచ్ఎంసీ టౌన్ ప్లానింగ్ అధికారులు తెలిపారు.
ఇదీ చూడండి :పిల్లల అమ్మకాలకు ఏజెంట్ వ్యవస్థ.. 'సృష్టి'oచిన ఆసుపత్రి