హైదరాబాద్ టాటా ఇనిస్టిట్యూట్ ఆఫ్ సోషల్ సైన్సెస్‌ క్యాంపస్ లో వసతి గృహ ఫీజులను వెంటనే తగ్గించాలని విద్యార్థులు డిమాండ్ చేశారు. ఇటీవల వసతి గృహాన్ని రాజేంద్రనగర్ నుంచి బ్రాహ్మణపల్లికి మార్చి... నిర్వహణను ప్రైవేటు సంస్థకు ఇవ్వడం వల్ల ఇబ్బందులు పడుతున్నామన్నారు. కొత్త వసతి గృహంలో సరైన భద్రత సౌకర్యాలు లేవని ఆరోపించారు. ఇటీవల హస్టల్ ఆహారం తిని పలువురు విద్యార్థులు అస్వస్థత చెందినట్లు తెలిపారు. దీనిపై కళాశాల, హాస్టల్ నుంచి సరైన స్పందన లేదని వాపోయారు. వారం రోజులుగా నిరసన తెలుపుతున్నా... ఎవరూ పట్టించుకోవడం లేదని, ఇప్పటికైనా యూజీసీ, కళాశాల యాజమాన్యం స్పందించి పాత వసతి గృహ విధానాన్ని పునరుద్ధరించాలని వారు డిమాండ్ చేశారు.
విద్యార్థుల ఆందోళన