హైదరాబాద్​లో పలుచోట్ల వర్షం... ట్రాఫిక్​కు అంతరాయం

భాగ్యనగరంలో పలుచోట్ల భారీవర్షం కురిసింది. రోడ్లన్నీ జలమయం అయ్యాయి. వాహనదారులు, పాదచారులు కొద్దిసేపు మెట్రో పిల్లర్ల కింద తలదాచుకున్నారు.

హైదరాబాద్​లో పలు ప్రాంతాల్లో భారీ వర్షం కురిసింది. ఖైరతాబాద్, బంజారహిల్స్, లక్డీకాపూల్, పంజాగుట్ట, సోమాజిగూడ, రాజేంద్రనగర్, కూకట్​పల్లి, ముసాపేట్, అమీర్ పేటల్లో ఓ మోస్తారు వర్షం పడింది. గచ్చిబౌలి, కొండాపూర్​, కప్రా, మల్కాజిగిరి, నేరెడీమేట్, చర్లపల్లి, దమ్మాయిగూడ, జవాహర్ నగర్, నాగారంలలో భారీ వర్షం కురిసింది. రోడ్లపై నీరు చేరి వాహనాల రాకపోకలకు ఇబ్బందులు ఏర్పడ్డాయి. అప్రమత్తమైన జీహెచ్ఎంసీ అధికారులు సిబ్బందిని రంగంలోకి దింపారు.

నగరంలో వాతావరణం ఒక్కసారిగా చల్లబడింది. ఉరుములతో కూడిన వర్షాలు నగరాన్ని అతలాకుతలం చేస్తున్నాయి. బోయిన్​పల్లి, తిరుమలగిరి, అల్వాల్, బొల్లారం, మారేడుపల్లి, బేగంపేట, ప్యాట్నీ, ప్యారడైస్, చిలకలగూడ, పద్మారావు నగర్, సంగీత్ ప్రాంతాలలో భారీ వర్షం కురిసింది. ఎడతెరిపి లేకుండా కురుస్తున్న వర్షంతో వాహనదారులు తీవ్ర ఇబ్బందులకు గురవుతున్నారు. డ్రైనేజీలు పొంగిపొర్లుతున్నాయి.

ఇదీ చూడండి : అప్పుల భయంతో ఆర్టీసీ కండక్టరు భర్త మృతి