కరోనా కట్టడిలో భాగంగా రాష్ట్రంలో 10 రోజుల పాటు ప్రభుత్వం విధించిన లాక్డౌన్... మూడోరోజూ కొనసాగుతోంది. ఉదయం 6 నుంచి 10 వరకు జనం హడావుడిగా తమ పనులు ముగించుకున్నారు. ఉదయం 10 గంటల అనంతరం పోలీసులు ఆంక్షలను కఠినంగా అమలు చేస్తున్నారు. ఎక్కడికక్కడ ప్రత్యేకంగా చెక్‌పోస్టులు ఏర్పాటు చేసిన పోలీసులు... జనం బయటకు రాకుండా చూస్తున్నారు.
లాక్డౌన్ 2.0: రాష్ట్రవ్యాప్తంగా మూడో రోజు అమల్లోకి
తెలంగాణలో మూడో రోజు పటిష్ఠంగా లాక్డౌన్ అమలవుతోంది. వెసులుబాటు కల్పించిన 4 గంటల సమయంలో మార్కెట్లు జనసమ్మర్ధంగా మారాయి. మరోవైపు వలసకూలీలు సొంతూళ్లకు వెళ్లేందుకు బస్టాండ్లలో బారులు తీరారు.
లాక్డౌన్ 2.0: రాష్ట్రవ్యాప్తంగా మూడో రోజు అమల్లోకి
డ్రోన్‌ కెమెరాలతో నిఘా పెట్టిన పోలీసులు... అనవసరంగా రోడ్లపైకి వచ్చేవారిపై కేసు నమోదు చేస్తున్నారు. అత్యవసరమైతే తప్ప బయటకు రావోద్దని ప్రజలకు సూచించారు. ప్రభుత్వ ఆదేశాలకు అనుగుణంగా ఈ-పాసులు పొందినవారిని, అత్యవసరాల్లో ఉన్నవారిని మాత్రమే.. ప్రయాణాలకు అనుమతించారు. సడలింపు సమయం తర్వాత అన్ని దుకాణాలు మూతపడ్డాయి. లాక్డౌన్ వల్ల రద్దీ ప్రాంతాలు నిర్మానుష్యంగా మారాయి.
ఇదీ చూడండి:లాక్డౌన్ అమలుతో కనిష్ఠ స్థాయికి చమురు విక్రయాలు