కూరగాయల మార్కెట్​లో సుదూరంగా భౌతిక దూరం

హైదరాబాద్ కుత్బుల్లాపూర్ కూరగాయల మార్కెట్​లో భౌతిక దూరం స్ఫూర్తి కనిపించడంలేదు. మున్సిపల్​ కార్యాలయం పక్కకు మార్చిన మార్కెట్​లో సూచికలు లేకపోవడంతో ప్రజలు భౌతిక దూరం నిబంధనలు పాటించడంలేదు. పక్కపక్కనే నిలబడి కూరగాయలు కొనుగోలు చేస్తున్నారు.

హైదరాబాద్ కుత్బుల్లాపూర్‌ కూరగాయల మార్కెట్​లో భౌతిక దూరం పాటించకుండా ప్రజలు కూరగాయలు కొనుగోలు చేస్తున్నారు. పక్క పక్కనే నిలబడి నిబంధనలు బేఖాతరు చేస్తున్నారు. అధికారులు కూడా పట్టించుకోవట్లేదనే ఆరోపణలు వస్తున్నాయి. శాపూర్ నగర్​లో ఉండే మార్కెట్​ను పోలీసులు ఈ మధ్య కుత్బుల్లాపూర్‌ మున్సిపల్ కార్యాలయం పక్కకు మార్చారు. కానీ ఇక్కడ భౌతిక దూరం పాటించే సూచికలు లేకపోవడంతో నిబంధనలు అటకెక్కాయి.

కుత్బుల్లాపూర్‌ నియోజకవర్గంలోని పలు చోట్ల రెడ్​జోన్​లు ఇంకా కొనసాగుతుండటం వల్ల తగు జాగ్రత్తలు తీసుకోవాల్సిన అవసరం ఎంతైనా ఉంది. ఇప్పటికైనా పోలీసులు, అధికారులు భౌతిక దూరం పాటించాలే సూచికలు ఏర్పాటు చేయాలని ప్రజలు కోరుతున్నారు.

ఇదీ చూడండి:భళా ఈశాన్య భారతం- కరోనా రహితంగా ఆ ఐదు రాష్ట్రాలు