డబుల్​ బెడ్​రూం కోసం సీఎంకు ఎదురొచ్చాడు

ముఖ్యమంత్రి కేసీఆర్​ కాన్వాయ్​కి ఓ యువకుడు అడ్డొచ్చాడు. తనకు ఉద్యోగం ఇప్పించాలని.. డబుల్ బెడ్ రూమ్ ఇవ్వాలని నినాదాలు చేశాడు. అక్కడున్న పోలీసులు అతన్ని వెంటనే అదుపులోకి తీసుకుని కేసు నమోదు చేశారు. ఈ ఘటనపై సీపీ అంజనీ కుమార్ ఆగ్రహం వ్యక్తం చేశారు.

రాష్ట్ర ఆవిర్భావ దినోత్సవం సందర్భంగా ముఖ్యమంత్రి కేసీఆర్ గన్ పార్కు అమర వీరుల స్థూపం వద్ద నివాళులు అర్పించారు. తిరుగు ప్రయాణంలో సీఎం కాన్వాయ్​కి దేవరకొండకు చెందిన హనుమంత్‌ నాయక్‌ అడ్డొచ్చాడు. తనకు ఉద్యోగం ఇప్పించాలని.. డబుల్ బెడ్ రూమ్ ఇవ్వాలని నినాదాలు చేశాడు.

అక్కడున్న పోలీసులు అతన్ని వెంటనే అదుపులోకి తీసుకుని కేసు నమోదు చేశారు. హనుమంత్‌ నాయక్‌ జీహెచ్‌ఎంసీలో విపత్తు నిర్వహణ వాహనం డ్రైవర్‌గా పనిచేస్తున్నట్లు గుర్తించారు. ఈ ఘటనపై సీపీ అంజనీ కుమార్ ఆగ్రహం వ్యక్తం చేశారు. ఇలాంటి ఘటనలు పునరావృతం కావొద్దని ఆదేశించారు.

ఇదీ చూడండి :జయహో తెలంగాణ.. అమరులకు సీఎం నివాళులు