Sonusood: సోనూసూద్​పై అభిమానం.. చిత్రపటం అందజేసిన యువ కళాకారుడు

బాలీవుడ్​ నటుడు సోనూసూద్​కు దేశవ్యాప్తంగా అభిమానులు ఉన్నారు. కరోనా కాలంలో ఆయన అందించిన ఎనలేనివి. తెలుగు రాష్ట్రాల్లో సుపరిచితుడైన సోనూపై హైదరాబాద్​కు చెందిన ఓ యువ చిత్రకారుడు తన ప్రేమను చాటుకున్నాడు. స్వయంగా ఆయన చిత్రాన్ని గీసి ముంబయికి వెళ్లి అందజేశారు.

నటుడు సోనూసూద్ చేస్తున్న పలు సేవా కార్యక్రమాలపై అభిమానులు ప్రేమను చాటుకుంటున్నారు. కరోనా సమయంలో పేదలకు సేవలందించిన సోనూకు తెలుగు రాష్ట్రాల్లో పెద్దఎత్తున అభిమానులున్నారు. అంతే కాకుండా ఆయన సేవలను వివిధ రూపాల్లో అభినందిస్తున్నారు.

తాజాగా హైదరాబాద్​లోని రామంతాపూర్​కు చెందిన ఓ యువ చిత్రకారుడు స్వయంగా సోనూ చిత్రాన్ని గీసి కానుకగా బహుకరించాడు. ప్రశాంత్ కుమార్ అనే చిత్రకారుడు సోనూసూద్​ చిత్రపటాన్ని వేసి... ముంబైలోని నివాసానికి వెళ్లి అందజేశారు. ఆ చిత్రపటాన్ని చూసిన సోనూ తనను అభినందించడం ఎంతో సంతోషంగా ఉందని చిత్రకారుడు ప్రశాంత్ కుమార్ తెలిపారు. హైదరాబాద్ వస్తే తప్పకుండా కలుస్తానని హామీ ఇచ్చారని తెలిపారు.

ఇదీ చూడండి:Sonusood: 'మీ వెంటే నేను'.. అమరావతి రైతులతో సోనూసూద్‌