ఏపీలో ఆగస్టు నుంచి నూతన విద్యా సంవత్సరం.! - New school year in August
లాక్‌డౌన్‌ నేపథ్యంలో ఆంధ్రప్రదేశ్ పాఠశాల విద్యాశాఖకు సంబంధించి 2020-21 విద్యా సంవత్సర క్యాలెండర్‌లో మార్పులు చోటుచేసుకునే అవకాశం కనిపిస్తోంది. ఈ ఏడాది ఆగస్టు-2020 నుంచి జూలై-2021 వరకు కొత్త విద్యా సంవత్సరం ఉండేలా అకడమిక్‌ క్యాలెండర్‌ రూపొందిస్తున్నట్లు సమాచారం.
ఏపీలో ఆగస్టు నుంచి నూతన విద్యాసంవత్సరం...!
ఆంధ్రప్రదేశ్ పాఠశాల విద్యాశాఖ వచ్చే విద్యా సంవత్సర క్యాలెండరులో మార్పు చేస్తున్నట్లు తెలిసింది. ఏటా జూన్ 12 నుంచి ఏప్రిల్ 23 వరకూ విద్యా సంవత్సరం ఉండగా..కరోనా విస్తృతి తగ్గకపోవటం వల్ల ఈ సారి ఆగస్టు-2020 నుంచి జులై-2021 వరకూ కొనసాగించాలని యోచిస్తున్నట్లు సమాచారం. లాక్డౌన్ను ఎత్తేసిన 2 వారాల తర్వాత పదో తరగతి పరీక్షలు నిర్వహించే అవకాశం ఉంది.