సాఫ్ట్​వేర్ మహిళ అదృశ్యం కేసును ఛేదించిన పోలీసులు

గత నెల 26 నుంచి కనిపించకుండా పోయిన సాఫ్ట్​వేర్ మహిళ రోహిత కేసును గచ్చిబౌలి పోలీసులు ఛేదించారు. ఆమె పుణెలో ఉన్నట్లు తెలుసుకున్నారు. తాను ఇష్టవూర్వకంగానే ఇంట్లోంచి వెళ్లిపోయినట్లు రోహిత తెలిపారు.

గచ్చిబౌలి పీఎస్ పరిధిలో గత నెల డిసెంబర్ 26 నుంచి కనిపించకుండా పోయిన సాఫ్ట్​వేర్ మహిళ రోహిత కేసును గచ్చిబౌలి పోలీసులు ఛేదించారు. కుటుంబ కలహాలతో ఇంటి నుంచి వెళ్లిపోయిన రోహిత... పుణెలో ఉన్నట్లు తెలుసుకున్నారు. కాకపోతే... రోహిత హైదరాబాద్ వచ్చేందుకు, కుటుంబ సభ్యులను కలిసేందుకు నిరాకరించింది. ఈ విషయాన్ని పోలీసులు రోహిత కుటుంబ సభ్యులకు తెలిపారు.

ఎవరూ కిడ్నాప్​ చేయలేదు: రోహిత

తనను ఎవరూ కిడ్నాప్​ చేయలేదని... ఇష్టపూర్వకంగానే పుణెకు వెళ్లినట్లు సాఫ్ట్​వేర్​ ఉద్యోగిని రోహిత తెలిపారు. పుణెలో ఉద్యోగం కోసం యత్నిస్తుండగా తనపై అదృశ్యం కేసు నమోదైందని తెలిపింది.

ఇవీ చూడండి: రాజ్​భవన్... ప్రజాభవన్: సంక్రాంతి వేడుకల్లో గవర్నర్