'సోమవారంలోగా ఆర్టీసీ కార్మికులకు జీతాలు చెల్లించండి'

ఆర్టీసీ ఉద్యోగుల జీతాలపై దాఖలైన పిటిషన్​పై హైకోర్టులో విచారణ జరిగింది. సోమవారం లోపు కార్మికులకు వేతన చెల్లింపు ప్రక్రియ పూర్తి చేయాలని ఆర్టీసీ యాజమాన్యాన్ని న్యాయస్థానం ఆదేశించింది.

ఆర్టీసీ కార్మికులకు సెప్టెంబరు నెలకు సంబంధించిన జీతాలను సోమవారంలోగా చెల్లించాలని హైకోర్టు ఆదేశించింది. ఉద్యోగుల జీతాల చెల్లింపులపై దాఖలైన పిటిషన్​పై హైకోర్టులో విచారణ జరిగింది. 49,190 మంది కార్మికులకు తక్షణమే జీతాలు చెల్లించేలా ఆదేశించాలని పిటినర్​ కోరారు. ప్రస్తుతం సమ్మె కొనసాగుతున్నందున సిబ్బంది అందుబాటులో లేకపోవడం వల్ల జీతాల చెల్లింపు ఆలస్యమైందని ఆర్టీసీ యాజమాన్యం కోర్టుకు తెలిపింది. సోమవారంలోగా కార్మికులకు వేతన చెల్లింపు ప్రక్రియ పూర్తి చేయాలని ఆర్టీసీ యాజమాన్యాన్ని న్యాయస్థానం ఆదేశించింది.
ఇదీ చూడండి: 'ఆర్టీసీ ఆస్తులు ప్రైవేటుపరం చేసేందుకే..'