దేశంలోని న్యాయస్థానాల్లో పెరిగిపోతోన్న కేసుల సంఖ్య ఆందోళన కలిగిస్తోందని గవర్నర్ తమిళిసై సౌందరరాజన్ పేర్కొన్నారు. న్యాయ విద్య, పరిశోధన-కొవిడ్ సవాళ్లు అనే అంశంపై ఉస్మానియా విశ్వవిద్యాలయ న్యాయ కళాశాల ఆధ్వర్యంలో 10 రోజుల ఆన్‌లైన్ కార్యశాలను గవర్నర్ ప్రారంభించారు.
పెరుగుతున్న టెక్నాలజీ, కుటుంబ సభ్యుల సమస్యలు మొదలు అంతర్జాతీయ స్థాయి సమస్యలు కొత్త సవాళ్లు విసురుతున్నాయని.. ఈ పరిస్థితుల్లో విషయ పరిజ్ఞానం, లోతైన అవగాహన, నైపుణ్యాలున్న విద్యార్థులను తీర్చిదిద్దేలా న్యాయవిద్య పరిధి విస్తృతం కావాలని తమిళిసై పేర్కొన్నారు. కరోనా మొత్తం విద్యారంగానికే సవాలు విసిరిందని.. అయితే లాక్‌డౌన్ విద్యా సంస్థలకే కానీ విద్యకు కాదని వ్యాఖ్యానించారు.