తెలంగాణలో రిజిస్ట్రేషన్ మార్కెట్ విలువలు పెంచిన తర్వాత మొదటి రోజున నాలుగు వేలకుపైగా డాక్యుమెంట్లు రిజిస్ట్రేషన్ అయ్యాయి. రాష్ట్ర వ్యాప్తంగా 141 సబ్‌ రిజిస్ట్రార్‌ కార్యాలయాలతోపాటు వ్యవసాయ భూములకు సంబంధించి మండల రెవెన్యూ కార్యాలయాల్లో కూడా రిజిస్ట్రేషన్లు సజావుగా సాగినట్లు స్టాంపులు రిజిస్ట్రేషన్ శాఖ అధికారులు తెలిపారు.
సోమవారం రోజున కిటకిటలాడిన సబ్‌ రిజిస్ట్రార్‌ కార్యాలయాలు మంగళవారం బోసిపోయి కనిపించాయి. దాదాపు 11వేల డాక్యుమెంట్లు సోమవారం రిజిస్ట్రేషన్ కాగా మంగళవారం విలువలు పెరగడం వల్ల మందకొడిగా సాగి 4,346 డాక్యుమెంట్లు రిజిస్ట్రేషన్లు అయ్యి తద్వారా రూ.27.34 కోట్లు మేర ఆదాయం వచ్చింది.