ఆఫ్రికా ఖండంలోని కిలిమంజారో పర్వతంపై మన దేశ జాతీయ జెండా మరోసారి రెపరెపలాడింది. ఆంధ్రప్రదేశ్‌లోని అనంతపురం జిల్లా తాడిమర్రి మండలం ఎం.అగ్రహారం గ్రామానికి చెందిన తొమ్మిదేళ్ల రిత్వికశ్రీ.. 5,685 మీటర్ల ఎత్తున్న కిలిమంజారో పర్వతాన్ని అధిరోహించింది. ఈ నెల 17న పర్వతారోహణకు బయలుదేరిన చిన్నారి.. 20న దక్షిణాఫ్రికా చేరుకుని గైడ్‌తో కలిసి ప్రయాణం ప్రారంభించింది.
7 రోజుల పాటు సాగిన ఈ ప్రయాణం ఈ నెల 27న ఏ ఆటంకాలు లేకుండా ముగిసిందని రిత్వికశ్రీ తండ్రి కడపల శంకర్‌ తెలిపారు. ఆసియా ఖండం నుంచి చిన్నవయసులో కిలిమంజారో పర్వతాన్ని అధిరోహించిన మొదటి వ్యక్తిగా రిత్వికశ్రీ రికార్డులకెక్కగా.. ప్రపంచంలో రెండో స్థానంలో నిలిచిందని ఆయన చెప్పారు. ఈ సందర్భంగా బాలికకు అభినందనలు వెల్లువెత్తుతున్నాయి.
ఇదీ చదవండి:క్యూఆర్‌ కోడ్‌తో కరెంటు బిల్లులు.. కొత్త విధానంపై కసరత్తు