హైదరాబాద్‌లోని నల్లకుంటకు చెందిన కె.బాలాజీ పురుషోత్తం 40 ఏళ్లుగా ఆటో నడుపుతూ జీవనం సాగిస్తున్నాడు. దేశభక్తి ఎక్కువగా ఉన్న ఆయన.. భారత 50వ స్వాతంత్య్ర దినోత్సవం నుంచి నేటి వరకు 24 ఏళ్లుగా ప్రతి ఆగస్టు 15న ప్రయాణికులను తన ఆటోలో ఉచితంగా గమ్యస్థానాలకు తరలిస్తూ సేవలు అందిస్తున్నారు. తమ వద్ద ఉన్న ఓ నోటు పుస్తకంలో ప్రయాణికుల అభిప్రాయాలు కూడా సేకరిస్తున్నారు.
ఆగస్టు 15 ఉదయం 7 గంటల నుంచి సాయంత్రం జెండా అవనతం చేసే వరకూ బాలాజీ పురుషోత్తం ఈ ఉచిత సేవలు అందిస్తున్నారు. ఏపీలోని మచిలీపట్నానికి చెందిన ఈ ఆటో డ్రైవర్.. హైదరాబాద్లో నాలుగు దశాబ్దాలుగా ఆటో నడపుతూ జీవనాధారం పొందుతున్నారు.
FREE SERVICE: ఈ ఆటోలో ప్రయాణం ఫ్రీ.. ఆ ఒక్కరోజు మాత్రమే