రాష్ట్రంలోని ఎస్సీ, ఎస్టీ, బీసీ, జనరల్ గురుకుల పాఠశాలల్లో ఐదో తరగతిలో ప్రవేశాల కోసం టీజీసెట్ పరీక్ష షెడ్యూల్ను ప్రకటించారు. కరోనా పరిస్థితుల కారణంగా ఏప్రిల్ 12న జరగాల్సిన ప్రవేశ పరీక్ష వాయిదా పడింది.
సుదీర్ఘ తర్జన భర్జనలతో...
నాలుగు గురుకుల సొసైటీల్లోని 48 వేల 240 సీట్ల కోసం లక్ష 48 వేల 168 మంది దరఖాస్తు చేసుకున్నారు. పదేళ్ల వయసు విద్యార్థులు అర్హులు కాబట్టి.. కరోనా పరిస్థితుల్లో ఈ ఏడాది ప్రవేశ పరీక్ష నిర్వహించాలా వద్దా అని సుదీర్ఘ తర్జన భర్జనల తర్వాత.. నవంబరు 1న పరీక్ష జరపాలని నిర్ణయించారు.