జోరుగా కొనసాగిన నామినేషన్ల పర్వం

రాష్ట్ర వ్యాప్తంగా నామినేషన్ల పర్వం కొనసాగుతోంది. శుక్రవారం మంచి ముహూర్తం ఉండటం, నామపత్రాల గడువు సమీపిస్తుండటం, ప్రధాన పార్టీలు అభ్యర్థులను ప్రకటించడం వల్ల పెద్ద ఎత్తున రిటర్నింగ్​ కార్యాలయాల వద్ద సందడి నెలకొంది.

రాష్ట్రంలో 17 పార్లమెంట్ నియోజకవర్గాలకు ఇప్పటి వరకు 220 మంది అభ్యర్థులు నామినేషన్లు దాఖలు చేశారు. శుక్రవారం మంచి ముహూర్తంగా భావించిన ప్రధాన పార్టీల అభ్యర్థులతో పాటు ఇతర పార్టీలు, స్వతంత్రులు పెద్ద సంఖ్యలో నామినేషన్ వేశారు. నిన్న ఒక్కరోజే 162 నామినేషన్లు దాఖలయ్యాయి.

ఎక్కడ ఎన్ని నామినేషన్లు?

ఇవాళ్టి వరకు ఆదిలాబాద్ లోక్​సభ స్థానానికి 5 నామినేషన్లు దాఖలు కాగా... పెద్దపల్లి 14, కరీంనగర్ 11, నిజామాబాద్ 61, జహీరాబాద్ 06, మెదక్ 8, మల్కాజిగిరి 19, సికింద్రాబాద్ 14, హైదరాబాద్ 4, చేవెళ్ల 8, మహబూబ్​నగర్ 12, నాగర్ కర్నూల్ 4, నల్గొండ 15, భువనగిరి 15, వరంగల్ 7, మహబూబాబాద్ 6, ఖమ్మం పార్లమెంట్ స్థానానికి 11 మంది అభ్యర్థులు నామినేషన్లు వేశారు.

నిజామాబాద్​లోనే అత్యధికం

వీటిలో అత్యధికంగా నిజామాబాద్ పార్లమెంట్ నియోజకవర్గానికి 61 నామినేషన్లు దాఖలు కావడం విశేషం. ఈ నెల 25తో నామినేషన్ల దాఖలుకు గడువు ముగియనుంది. 26న నామపత్రాల పరిశీలన ఉంటుంది.

ఇవీ చదవండి:కేసీఆర్ బహిరంగ సభలు... కేటీఆర్​ రోడ్​ షోలు