పది రోజుల్లో పదో తరగతి పరీక్షలు.. విద్యార్థిని ఆత్మహత్య

పది రోజుల్లో పదో తరగతి పరీక్షలు ప్రారంభం కానుండగా ఓ విద్యార్థిని బలవన్మరణానికి పాల్పడింది. పదో తరగతి చదువుతున్న విద్యార్థిని.. ఫ్యాన్​కు ఉరేసుకొని చనిపోయింది. ఈ ఘటన సైదాబాద్​ పోలీస్​ స్టేషన్​ పరిధిలో చోటుచేసుకుంది.

పది రోజుల్లో పరీక్షలు మొదలవనుండగా పదో తరగతి విద్యార్థిని ఆత్మహత్య చేసుకుంది. వికారాబాద్​కు చెందిన కొమురయ్య వెంకటమ్మ దంపతులు కొంతకాలం క్రితం హైదరాబాద్​కు వలస వచ్చారు. ఐఎస్​ సదన్​ డివిజన్​ రాజరాజేశ్వరి నగర్​లో కూలి పని చేసుకుంటున్నారు. వారి కుమార్తె ప్రజ్ఞ, కుమారుడు ఇద్దరూ స్థానిక ప్రైవేట్​ పాఠశాలలో పదో తరగతి చదువుతున్నారు.

ఆదివారం మధ్యాహ్నం ఇంట్లో ఎవరూ లేని సమయంలో ప్రజ్ఞ తన గదిలో ఫ్యాన్​కు ఉరివేసుకుంది. బయటకు వెళ్లి వచ్చిన తల్లిదండ్రులు కూతురిని చూసి దిగ్భ్రాంతికి గురయ్యారు. స్థానికుల సమాచారంతో సైదబాద్​ పోలీసులు ఘటనాస్థలానికి చేరుకున్నారు. కేసు నమోదు చేసి దర్యాప్తు చేస్తున్నారు.

ఇవీ చూడండి:పిడుగుపాటుకు యువకుడి మృతి