హైదరాబాద్ నగర శివారు చందానగర్లోని హేమంత్ నివాసం వద్ద ఉద్రిక్తత నెలకొంది. పరువు హత్యకు వ్యతిరేకంగా హేమంత్ బంధువులు, మిత్రులతో కలిసి అడ్వొకేట్ జేఏసీ నిరసన కార్యక్రమం చేపట్టింది. న్యాయం చేయాలంటూ ప్లకార్డులు ప్రదర్శించింది.
హేమంత్ ఇంటి నుంచి అవంతిక తండ్రి దొంతి లక్ష్మారెడ్డి నివాసం వరకు ర్యాలీగా బయలుదేరేందుకు యత్నించారు. అప్రమత్తమైన పోలీసులు వారిని అడ్డుకున్నారు. ఫలితంగా రోడ్డుపైన బైఠాయించి నిరసన వ్యక్తం చేశారు.