Kinnera Mogulaiah meets minister Gangula: పన్నెండు మెట్ల కిన్నెర వాయిద్యకారుడు, భీమ్లా నాయక్ పాటతో గుర్తింపు తెచ్చుకున్న మొగులయ్య.. బీసీ సంక్షేమ శాఖ మంత్రి గంగుల కమలాకర్ను కలిశారు. రాష్ట్ర ప్రభుత్వం తనకు అందిస్తున్న సహకారానికి మొగులయ్య ధన్యవాదాలు తెలిపారు. సీఎం కేసీఆర్ చేతుల మీదుగా ఉగాది పురస్కారం అందుకోవడమే తన జీవితాన్ని మార్చిందని చెప్పారు. ఎనిమిదో తరగతి సాంఘిక శాస్త్రం పాఠ్యపుస్తకంలో తన కళను చేర్చినందుకు ప్రభుత్వానికి మొగులయ్య ధన్యవాదాలు తెలిపారు.
Kinnera Mogulaiah: రాష్ట్ర ప్రభుత్వం తరపున రూ. పదివేల రూపాయల కళాకారుల పింఛను ఇస్తున్నందుకు జీవితకాలం రుణపడి ఉంటానని మొగులయ్య అన్నారు. ఈ సందర్భంగా కేసీఆర్ పాలన, ప్రభుత్వం అమలు చేస్తున్న సంక్షేమ పథకాలపై మొగులయ్య పాటను ఆలపించారు. కిన్నెర కళ అభివృద్ధికి ప్రభుత్వం నుంచి సాయం చేయాలని మంత్రిని కోరారు.