రెండు పార్టీలకు వచ్చే ఎన్నికల్లో డిపాజిట్లు రావు: జీవన్ రెడ్డి
TRS MLA Jeevan Reddy: ఎన్నికలు రాగానే ప్యాకేజీలు.. తర్వాత ప్యాకప్‌లు.. భాజపా విధానమని.. తెరాస ఎమ్మెల్యే జీవన్‌రెడ్డి ఆరోపించారు. రైతుల కోసం లక్షల కోట్లు ఖర్చు చేస్తున్న తెరాస ప్రభుత్వాన్ని విమర్శించడం మానుకోవాలని రాష్ట్ర భాజపా నేతలకు హితవు పలికారు. అన్నదాతల పట్ల ప్రేమ ఉంటే కాళేశ్వరం వంటి ప్రాజెక్టులకు నిధులు తీసుకురావాలని సూచించారు.
ఎన్నికలు రాగానే అన్ని పార్టీల నాయకులు రైతే రాజు అని అంటారు. ఎక్కడ ఎన్నికలు ఉంటే అక్కడ భాజపా.. ప్యాకేజీ పాలసీ తీసుకొస్తుంది. రేవంత్ రచ్చబండ.. కాంగ్రెస్ పార్టీకి ఉరి బండ. సరైన సమయంలో రైతులే వారికి బుద్ధి చెప్తారు. -జీవన్ రెడ్డి, ఆర్మూర్ ఎమ్మెల్యే