Balakrishna inaugurated Oxygen Plant: మరో వేరియంట్​ వచ్చినా ఎదుర్కొనేందుకు సిద్ధం: బాలయ్య

Balakrishna inaugurated Oxygen Plant: అత్యాధునిక సాంకేతిక పరిజ్ఞానంతో తయారైన ఆక్సిజన్​ ప్లాంటును హైదరాబాద్​ బసవతారకం క్యాన్సర్​ ఆస్పత్రిలో.. ఛైర్మన్​ నందమూరి బాలకృష్ణ ప్రారంభించారు. కరోనాపై పోరులో ఆస్పత్రి ముందుంటోందని బాలకృష్ణ అన్నారు. మరో వేరియంట్​ వచ్చినా ఎదుర్కొనేందుకు సిద్ధంగా ఉన్నామని వెల్లడించారు.

Balakrishna inaugurated Oxygen Plant:ఎన్ని అడ్డంకులు వచ్చినా అధిగమిస్తూ... బసవతారకంలో మెరుగైన సేవలు అందించేందుకు కృషి చేస్తామని ఆస్పత్రి ఛైర్మన్‌, ప్రముఖ నటుడు నందమూరి బాలకృష్ణ తెలిపారు. హైదరాబాద్​ బంజారాహిల్స్​లోని బసవతారకం క్యాన్సర్​ ఆస్పత్రిలో ఆధునిక సాంకేతిక పరిజ్ఞానంతో తయారైన ఆక్సిజన్‌ ప్లాంటును బాలకృష్ణ ప్రారంభించారు. అనంతరం ఆస్పత్రిలో ప్రత్యేక పూజలు చేశారు.

కరోనాను అరికట్టడంలో ఎంతో ముందు చూపుతో వ్యవహరించాం. ఆక్సిజన్​, మందులు, వెంటిలేటర్​ ఎలాంటి కొరత లేకుండా చూశాం. కొవిడ్ రోగుల కోసం ప్రత్యేకంగా పడకలు ఏర్పాటు చేశాం. కొత్త వేరియంట్లు ఎదుర్కనేందుకు ఆస్పత్రి సిబ్బంది సన్నద్ధంగా ఉంది. -నందమూరి బాలకృష్ణ, బసవతారకం క్యాన్సర్​ ఆస్పత్రి ఛైర్మన్​

Oxygen plant in Basavatarakam hospital: రూ. 1.2 కోట్ల విలువైన ఈ ప్లాంటును దిగ్గజ ఫార్మా సంస్థ నొవార్టిస్ సహాయంతో ఏర్పాటు చేశామని బాలకృష్ణ తెలిపారు. కొవిడ్​ ఉద్ధృతి ఎక్కువగా ఉన్న సమయంలో దేశవ్యాప్తంగా ఆక్సిజన్​ కొరత ఎదుర్కొన్నామని బాలయ్య గుర్తు చేసుకున్నారు. అయినప్పటికీ బసవతారకం ఆస్పత్రిలో మాత్రం రోగులకు.. ఎలాంటి ఇబ్బందులు లేకుండా నిత్యం ఆక్సిజన్​ సరఫరా చేసినట్లు పేర్కొన్నారు. ప్రస్తుతం కరోనా కొత్త వేరియంట్లు పుట్టుకొస్తున్న వేళ ఆస్పత్రిలో అన్ని విధాలుగా సన్నద్ధమవుతున్నామని బాలకృష్ణ తెలిపారు.

ఇదీ చదవండి:CM KCR gadwal Tour: గద్వాలలో సీఎం కేసీఆర్... ఎమ్మెల్యే బండ్లకు పరామర్శ