మీ ఆరోగ్య స్థితి, ప్రయాణ చరిత్ర, ఇతరత్రా వివరాలను బట్టి కరోనా వైరస్‌ రిస్క్‌ను అంచనా వేస్తూ తగిన సూచనలు ఇచ్చేందుకు జియో, ఎయిర్‌టెల్‌ సెల్ఫ్‌ డయాగ్నోసిస్‌ టూల్స్‌ను తీసుకొచ్చాయి. కరోనాపై పోరులో భాగంగా ఈ టూల్స్‌ను ఈ రెండు సంస్థలు ప్రజలకు అందుబాటులో ఉంచాయి. రిలయన్స్‌ జియో తీసుకొచ్చిన ఈ టూల్‌ ‘మై జియో’ యాప్‌లో అందుబాటులో ఉంది.
దగ్గర్లోని ల్యాబ్‌ల వివరాలు
ఓ ప్రత్యేకమైన వెబ్‌సైట్‌ (https://covid.bhaarat.ai/)ను కూడా రూపొందించింది. గతంలో పాజిటివ్‌ ఉన్న వ్యక్తిని మీరు కలిశారా? ప్రయాణాలు చేశారా? మీకు ఇతరత్రా ఆరోగ్య సమస్యలేవైనా ఉన్నాయా? వంటి ప్రశ్నలకు మీరిచ్చే సమాధానం ఆధారంగా ఫలితాలను ఈ టూల్‌ వెల్లడిస్తోంది. మీ రిస్క్‌ స్థాయిని చెప్పడంతో పాటు దగ్గర్లోని ల్యాబ్‌ల వివరాలు, ప్రపంచ వ్యాప్తంగా కేసులకు సంబంధించిన గణంకాలను అందిస్తోంది.