తెలంగాణ

telangana

ETV Bharat / state

Telangana Top News టాప్న్యూస్ @9PM

ఇప్పటి వరకు ఉన్న ప్రధాన వార్తలు

Telangana Top News Today

Telangana Top News Today

By

Published : Jan 1, 2023, 9:00 PM IST

' విశ్వనగరంగా మార్చడమే లక్ష్యం'

రాష్ట్రానికి కల్పతరువు లాంటి హైదరాబాద్‌ను సంరక్షించుకుంటూ.. విశ్వనగరంగా మార్చే లక్ష్యంతో మౌలిక వసతులు కల్పిస్తున్నట్లు రాష్ట్ర ఐటీశాఖ మంత్రి కేటీఆర్‌ తెలిపారు. గచ్చిబౌలిలోని కొత్తగూడ నుంచి బొటానికల్‌ గార్డెన్‌ వరకు నిర్మించిన ఫ్లైఓవర్‌ను కేటీఆర్‌ ప్రారంభించారు.

భక్తులతో కిక్కిరిసిన ఆలయాలు

New Year Celebrations in Telangana : నూతన సంవత్సరం సందర్భంగా రాష్ట్రవ్యాప్తంగా పలు దేవాలయాల్లో భక్తులు తెల్లవారుజాము నుంచే పోటెత్తారు. భక్తుల రద్దీతో ఆయా ఆలయాల్లో సందడి వాతావరణం నెలకొంది. కొత్త ఏడాదిలో మంచి జరగాలని కోరుకుంటూ కుటుంబసమేతంగా ఆలయాలకు వెళ్లి తమ మొక్కులు తీర్చుకున్నారు.

కొత్తగా 'మన బడి'..

రాష్ట్రంలో 'మన ఊరు-మన బడి' మొదటి దశ పనులు పూర్తయ్యాయి. ప్రారంభానికి సిద్ధంగా ఉన్నాయి. మండలానికి రెండు చొప్పున రాష్ట్రవ్యాప్తంగా 1,210 బడులు కొత్త అందాలను సంతరించుకున్నాయి.

రికార్డులు సృష్టించిన మద్యం విక్రయాలు

రాష్ట్రంలో నూతన సంవత్సరం సందర్భంగా ఆరు రోజుల్లో రూ.11 వందల కోట్లకుపైగా విలువైన మద్యాన్ని మందుబాబులు మంచినీళ్లలా తాగేశారు. డిసెంబర్‌ నెలలో ఏకంగా రూ.3,376 కోట్లు విలువైన మద్యాన్ని మద్యం ప్రియులు తాగేశారు.

'పోలీస్' అభ్యర్థులకు బిగ్ అలర్ట్..

రాష్ట్రంలో ఎస్సై, కానిస్టేబుల్ తుది పరీక్ష తేదీలను తెలంగాణ పోలీసు నియామక మండలి ప్రకటించింది. సివిల్, ట్రాన్స్పోర్ట్, ఎక్సైజ్, ఫింగర్ ప్రింట్ పోస్టులకు విడివిడిగా పరీక్ష తేదీలను ప్రకటించింది.

సుప్రీంలో 58 పిటిషన్లు సోమవారమే తీర్పు

కేంద్రం తీసుకున్న పెద్దనోట్ల రద్దును సవాల్‌ చేస్తూ దాఖలైన 58 పిటిషన్లపై సుప్రీంకోర్టు సోమవారం తీర్పు ఇవ్వనుంది. ఐదుగురు సభ్యుల రాజ్యాంగ ధర్మాసనం ఈ తీర్పు వెలువరించనుంది.

'భీమా కోరెగావ్'లో వేడుకలు..

రెండేళ్ల నిషేధం తర్వాత జరిగిన భీమా కోరెగావ్ యుద్ధ వార్షికోత్సవానికి పెద్ద సంఖ్యలో ప్రజలు హాజరయ్యారు. యుద్ధస్మారక చిహ్నం వద్ద ప్రార్థనలు నిర్వహించారు.

వంట గ్యాస్ ధర పెంపు..

వంట గ్యాస్ ధర మరోసారి పెరిగింది. కమర్షియల్ సిలిండర్ ధరను రూ.25మేర పెంచుతున్నట్లు చమురు సంస్థలు ప్రకటించాయి. తాజా పెంపుతో దిల్లీలో వాణిజ్య సిలిండర్ ధర రూ.1,769కి చేరింది. గృహ అవసరాలకు వినియోగించే గ్యాస్ సిలిండర్ ధరలో మాత్రం ఎలాంటి మార్పులు లేవని చమురు సంస్థలు స్పష్టం చేశాయి.

'పంత్‌ను కాపాడిన డ్రైవర్‌, కండక్టర్కు సన్మానం'

క్రికెటర్‌ రిషభ్‌ పంత్‌ను కాపాడిన డ్రైవర్‌, కండక్టర్ను సత్కరిస్తామని ఉత్తరాఖండ్‌ ముఖ్యమంత్రి పుష్కర్ సింగ్ ధామీ ప్రకటించారు. మరోవైపు, వీఐపీలు పంత్‌ను పరామర్శించడానికి వెళ్లొద్దని డీడీసీఏ అభ్యర్థించింది.

చిరు న్యూఇయర్ సర్ప్రైజ్..

'వాల్తేరు వీరయ్య' సినిమాలోని మరో పాట త్వరలో విడుదల కానుంది. న్యూఇయర్ సందర్భంగా ఆ సాంగ్ మేకింగ్ వీడియోను సోషల్ మీడియాలో చిరంజీవి రిలీజ్ చేశారు. మీరూ ఓ సారి చూసేయండి.

For All Latest Updates

TAGGED:

ఇప్పటి వరకు ఉన్న ప్రధాన వార్తలు

తెలంగాణ టాప్ టెన్ న్యూస్

తెలంగాణ వార్తలు

తెలంగాణ ప్రధాన వార్తలు

టాప్ టెన్ న్యూస్

ABOUT THE AUTHOR

...view details