Telangana Projects Water Levels : జలకళతో ఉట్టిపడుతున్న తెలంగాణ ప్రాజెక్టులు.. ఏది చూసినా నిండుకుండలాగే

Water Levels in Telangana Projects : ఎడతెరిపి లేని వర్షాలకు రాష్ట్రంలోని ప్రధాన ప్రాజెక్టులు జలకళతో ఉట్టిపడుతున్నాయి. అన్ని జలాశయాలు నిండుకుండల్లా మారడంతో.. గేట్లు ఎత్తి దిగువకు భారీగా నీటిని విడుదల చేస్తున్నారు. ప్రమాదకరంగా ప్రవహిస్తున్న చోట ప్రజలను అప్రమత్తం చేస్తూ.. ప్రాజెక్టుల వద్ద పరిస్థితిని ఉన్నతాధికారులు, మంత్రులు పర్యవేక్షిస్తున్నారు.

Nizamsagar Project water Level : కామారెడ్డి జిల్లా నిజాంసాగర్ జలాశయంలోకి వరద నీరు పెరుగుతోంది. ఎగువ నుంచి 45,000 క్యూసెక్కుల నీరు రావడంతో.. ఆరు గేట్లు ఎత్తి 45,000 క్యూసెక్కుల నీటిని దిగువకు విడుదల చేస్తున్నారు. ప్రాజెక్టు పూర్తి స్థాయి నీటి మట్టం 1405 అడుగులు కాగా.. ప్రస్తుత నీటి మట్టం 1404.66 అడుగులు ఉన్నట్లు అధికారులు తెలిపారు. జిల్లాలోని జుక్కల్ మండలం కౌలాస్ నాలా ప్రాజెక్టు రెండు గేట్లు ఎత్తి.. 2454 క్యూసెక్కుల నీటిని విడుదల చేస్తున్నారు. ప్రాజెక్టులోకి ఎగువ కర్ణాటక నుంచి 2454 క్యూసెక్కుల నీరు వస్తోంది.

Sriramsagar Project Latest News :నిజామాబాద్ జిల్లా శ్రీరాంసాగర్ ప్రాజెక్టుకు ఎగువ నుంచి వస్తున్న వరదను దృష్టిలో పెట్టుకుని.. 18 గేట్లను ఎత్తి 58,000 క్యూసెక్కుల నీటిని దిగువకు విడుదల చేస్తున్నారు. ఎస్సారెస్పీ పూర్తి నీటిమట్టం 1091 అడుగులు కాగా.. ప్రస్తుతం 1089.2 అడుగులుగా ఉంది. నీటి నిల్వ సామర్థ్యం 90 టీఎంసీలకు గానూ.. ప్రస్తుతానికి 80.65 టీఎంసీల నీరు ఉంది. ముఖ్యమంత్రి ఆదేశంతో అధికార యంత్రాంగంతో కలిసి మంత్రి ప్రశాంత్‌రెడ్డి ఎస్సారెస్పీని సందర్శించారు.

నిర్మల్ జిల్లా కడెం జలాశయానికి వరద ప్రవాహం తగ్గింది. పూర్తిస్థాయి నీటిమట్టం 700 అడుగులు కాగా.. ప్రస్తుతం 685 అడుగులుగా ఉంది. ఎగువనుంచి 17,045 క్యూసెక్కుల వరద ప్రవాహం ఉండగా.. 10 గేట్ల ద్వారా 34,752 క్యూసెక్కుల నీటిని విడుదల చేస్తున్నారు. ప్రాజెక్టు ప్రమాదకంగా మారిందన్న సమాచారంతో.. కేంద్ర, రాష్ట్ర డ్యాం సేఫ్టీ బృందం సభ్యులు పరిశీలించారు. భారీ వరద వస్తున్నందున భద్రతా చర్యలు తీసుకోవాల్సిన అవసరం ఉందన్న బృందం.. ఇందుకు సంబంధించి తగు సిఫార్సులు చేస్తామని పేర్కొంది. వరదలకు గేట్లలో ఎదురైన సమస్యలు, కోతకు గురైన ప్రాంతాలను కూడా ఈ బృందాలు పరిశీలించాయి.

Telangana Rains : శ్రీపాద ఎల్లంపల్లి ప్రాజెక్టు గేట్లు ఎత్తగా.. పెద్దపల్లి జిల్లా గోదావరిఖని వద్ద గోదావరినది ఉద్ధృతంగా ప్రవహిస్తుంది. ప్రాజెక్టు 48 గేట్లు ఎత్తి.. 10 లక్షల క్యూసెక్కుల నీటిని దిగువకు వదులుతున్నారు. రామగుండం లారీయార్డు, సమ్మక్క సారలమ్మ స్మశాన వాటిక, సప్తగిరి కాలనీ, మల్కాపూర్ గ్రామాలు నీటమునిగాయి. కరీంనగర్‌ దిగువ మానేరు జలాశయానికి భారీగా వరద నీరు పోటెత్తుతోంది. మోయతుమ్మెద వరదతోలోయర్ మానేరు జలాశయం నిండుకుండలా మారింది. జలాశయం సామర్థ్యం 24 టీఎంసీలు కాగా.. ప్రస్తుతం ప్రాజెక్టులో 22 టీఎంసీల నీరుంది. 16 గేట్లు ఎత్తి.. 56,000 క్యూసెక్కుల నీటిని దిగువకు విడుదల చేస్తున్నారు. మానేరు రివర్ ఫ్రంట్ నిర్మాణంలో ఉన్నందున వరద తాకిడికి నిర్మాణాలు దెబ్బతినకుండా అధికారుల చర్యలు చేపట్టారు.

Telangana projects water Levels : పెద్దపల్లి జిల్లా మంథని మండలం సిరిపురం గ్రామంలో నిర్మించిన.. పార్వతి బ్యారేజ్ నిండుకుండను తలపిస్తుంది. బ్యారేజ్ మొత్తం 130 మీటర్ల ఎత్తు కాగా.. ప్రస్తుతం 127 మీటర్ల ఎత్తులో నీటిప్రవాహం దిగువకు వెలుతుంది. బ్యారేజీకి ఉన్న మొత్తం 74 గేట్లను పూర్తిగా ఎత్తివేసి.. 9 లక్షల క్యూసెక్యుల నీటిని దిగువకు విడుదల చేస్తున్నారు. మేడిగడ్డ బ్యారేజిలో మొత్తం 85 గేట్లు ఎత్తి.. 13 లక్షల క్యూసెక్కులకుపైగా నీటిని దిగువకు వదులుతున్నారు. అన్నారం బ్యారేజి మొత్తం 66 గేట్లు ఎత్తి.. 10లక్షల క్యూసెక్కులకుపైగా వస్తున్న ఇన్‌ఫ్లోను యథావిధిగా కిందికి విడుదల చేస్తున్నారు.

విస్తారంగా కురుస్తున్న వర్షాలకు.. యాదాద్రి జిల్లాల్లో మూసీ నది ఉద్ధృతంగా ప్రవహిస్తోంది. వలిగొండ మండలం సంగెం వద్ద భీమలింగం లోలేవల్ బ్రిడ్జి.. బీబీనగర్ మండలం రుద్రవెల్లి వద్ద లోలేవల్ బ్రిడ్జిపై నుంచి మూసి వరద ప్రమాదకరంగా ప్రవహిస్తుంది. భారీ వర్షాల నేపథ్యంలో జిల్లా కలెక్టర్ పమేలా సత్పతి , అదనపు కలెక్టర్ దీపక్ తివారీ జిల్లాలో తిరుగుతూ లోతట్టు ప్రాంతాలను పరిశీలిస్తున్నారు.

Musi project Floods 2023 :నల్గొండ జిల్లా కేతేపల్లి మండలం మూసీ ప్రాజెక్టును.. కలెక్టర్ కర్ణన్ సందర్శించారు. ప్రాజెక్టు 8 క్రస్ట్‌ గేట్లను ఏడడుగులమేర ఎత్తి.. సుమారు 4,000 క్యూసెక్కుల నీటిని దిగువ వదులుతున్నారు. అటు కృష్ణా పరీవాహక ప్రాంత ప్రాజెక్టులు జలకళ సంతరించుకున్నాయి. ఇప్పటికే నిండుకుండలా మారిన జూరాల ప్రాజెక్టుకు.. వరద ప్రవాహం 35,000 క్యూసెక్కులు వస్తుండడంతో.. 3 గేట్ల ద్వారా 52,856 క్యూసెక్కుల నీటిని అధికారులు దిగువకు విడుదల చేస్తున్నారు. ప్రాజెక్టు పూర్తి నీటి సామర్థ్యం 9.65 టీఎంసీలు కాగా.. ప్రస్తుతం 6.78 టీఎంసీలకు చేరింది.

ఇవీ చదవండి :Osmansagar Reservoir Project Water Level : తెరుచుకున్న ఉస్మాన్‌సాగర్‌ గేట్లు... మూసీలో పెరిగిన వరదప్రవాహం