రుణయాప్ల ఆగడాలను పూర్తి స్థాయిలో నియంత్రించేందుకు పోలీసులు తీవ్రంగా కృషి చేస్తున్నారు. ఇప్పటికే ఈ అంశాన్ని ఆర్బీఐ దృష్టికి తీసుకెళ్లారు. ఈ తరహా ఘటనలను నియంత్రించేందుకు ఆర్బీఐ ఏర్పాటు చేసిన వర్కింగ్ గ్రూప్తో పోలీసులు దృశ్యమాధ్యమ సమావేశం నిర్వహించారు.
ఈ భేటీకి హైదరాబాద్ పరిధిలోని మూడు కమిషనరేట్ల సీపీలు, ఆర్బీఐ వర్కింగ్ గ్రూప్ అధికారులు హాజరయ్యారు. రుణ యాప్ల దోపిడీలు, వేధింపులపై పోలీసులు వారికి వివరించారు. రుణాలు ఇచ్చే యాప్లపై నిర్దిష్టమైన మార్గదర్శకాలు తీసుకురావాలని కోరారు. ప్రజలకు ఆయా నిబంధనలు అర్థం అయ్యేలా ఉండాలని.. ఎన్బీఎఫ్‌సీ నిబంధలను అనుసరించే విధంగా ఉండాలని ఆర్బీఐ అధికారులను.. పోలీసులు కోరారు. రుణ యాప్కు అనుసంధానంగా ఉండే ఖాతాలకు ఆయా బ్యాంకులు కఠినమైన కేవైసీ వ్యవస్థ కలిగి ఉండాలని సూచించారు.