'విద్యార్థుల అసైన్​మెంట్, ఫీజులకు ముడి పెట్టొద్దు'

ఇంటర్​ విద్యార్థుల అసైన్​మెంట్ స్వీకరణపై రాష్ట్ర ఇంటర్మీడియట్​ బోర్డు కీలక నిర్ణయం తీసుకుంది. విద్యార్థులు ఫీజులు చెల్లించకపోయినా అసైన్​మెంట్​లు స్వీకరించాలని ఆదేశించింది. ఆ రెండింటికీ ముడిపెట్టొద్దని తెలిపింది.

ఇంటర్​ విద్యార్థుల అసైన్​మెంట్​ స్వీకరణ, ఫీజుల చెల్లింపునకు ముడి పెట్టొద్దని రాష్ట్ర ఇంటర్మీడియట్ బోర్డు ప్రకటించింది. ఈ మేరకు కళాశాలలకు అదేశాలు జారీ చేసింది. ఫీజు కట్టనందుకు అసైన్​మెంట్ స్వీకరించలేదని, ఫీజులు చెల్లించాలని బలవంతం చేస్తున్నట్లు తెలిస్తే తీవ్రమైన చర్యగా పరిగణిస్తామని పేర్కొంది.

అలాంటి కళాశాలల యాజమాన్యాలపై కఠిన చర్యలు తీసుకుంటామని హెచ్చరించింది. మే 5 లోపు అసైన్​మెంట్ వాల్యుయేషన్ చేసి మార్కులివ్వాలని ఆదేశించింది.

ఇదీ చదవండి:1నుంచి 9వ తరగతి వరకు విద్యార్థులు ప్రమోట్‌