పౌరసత్వ బిల్లుకు తెరాస వ్యతిరేకమని... అదే విషయాన్ని సీఎం కేసీఆర్ కూడా వెల్లడించారని హోంశాఖ మంత్రి మహమూద్ అలీ పునరుద్ఘాటించారు. ఇదే విషయాన్ని ముస్లీం పెద్దలకు కూడా తెలియజేసినట్లు తెలిపారు. పీఆర్టీయూ ఆధ్వర్యంలో... హైదరాబాద్ నాంపల్లి పబ్లిక్ గార్డెన్స్లో రాష్ట్ర విద్యా సదస్సు జరిగింది. ఈ కార్యక్రమంలో హోం మంత్రితో పాటు శాసనమండలి మాజీ ప్రభుత్వ చీఫ్ పాతూరి సుధాకర్ రెడ్డి, బేవరేజెస్ కార్పొరేషన్ మాజీ ఛైర్మన్ దేవిప్రసాద్, ఉపాధ్యాయ సంఘాల నాయకులు పాల్గొన్నారు. దీర్ఘకాలికంగా ఉపాధ్యాయులు ఎదుర్కొంటున్న సమస్యలను సీఎం కేసీఆర్ ఒక్కొక్కటిగా పరిష్కరిస్తున్నారని హోం మంత్రి తెలిపారు. పెండింగ్లో ఉన్న మరిన్ని సమస్యలను త్వరలోనే పరిష్కరించే విధంగా కృష్టి చేస్తానని హామీ ఇచ్చారు.
'పౌరసత్వ బిల్లుకు తెరాస వ్యతిరేకం'