పట్టభద్రుల ఓటు నమోదుకు గడువు పెంపు పిటిషన్పై హైకోర్టు విచారణ చేపట్టింది. ఓటు నమోదు గడువు శుక్రవారంతో ముగుస్తున్న నేపథ్యంలో... డిసెంబరు 7 వరకు పొడిగించాలని కోరుతూ న్యాయవాది రమేశ్ దాఖలు చేసిన పిటిషన్పై ప్రధాన న్యాయమూర్తి జస్టిస్ ఆర్.ఎస్.చౌహాన్, జస్టిస్ విజయ్ సేన్ రెడ్డి ధర్మాసనం మరోసారి విచారణ చేపట్టింది. ప్రజా ప్రాతినిధ్య చట్టం ప్రకారం అక్టోబరు 1 నుంచి నవంబరు 7 మధ్యే ఓటరు నమోదు ప్రక్రియ చేపట్టాల్సి ఉంటుందని హైకోర్టుకు... ఈసీ తరఫు న్యాయవాది అవినాష్ దేశాయ్ వివరించారు. నోటిఫికేషన్ ప్రకారం ఓటరు నమోదు గడువు నేటితో ముగుస్తుందని తెలిపారు.
పట్టభద్రుల ఓటు నమోదుకు మరో అవకాశం - పట్టభద్రుల ఓటు నమోదు గడువు పెంపు
పట్టభద్రుల ఓటరు నమోదు గడువు నేటితోనే ముగుస్తుందని.. అవసరమైతే డిసెంబరు 1 నుంచి డిసెంబరు 31 వరకు దరఖాస్తు చేసుకోవచ్చునని ఎన్నికల కమిషన్ స్పష్టం చేసింది. పట్టభద్రుల ఓటు నమోదు గడువును పొడిగించడం చట్ట ప్రకారం వీలుకాదని హైకోర్టుకు... ఈసీ తెలిపింది.
పట్టభద్రుల ఓటు నమోదుకు మరో అవకాశం: హైకోర్టు
డిసెంబరు 1న ముసాయిదా జాబితా ప్రకటించిన తర్వాత అభ్యంతరాల స్వీకరణ ప్రక్రియ ఉంటుందన్నారు. కాబట్టి ఇప్పుడు దరఖాస్తు చేసుకోలేని వారు డిసెంబరు 1 నుంచి 7 వరకు అభ్యంతరాల రూపంలో దరఖాస్తు చేసుకోవచ్చునని వివరించారు. ఈసీ వివరణ నమోదు చేసిన హైకోర్టు.. గడువు పొడిగించాలన్న పిటిషన్ పై విచారణ ముగించింది.
ఇదీ చూడండి:పటాన్చెరులో సీఎం ఓఎస్డీ ఆకస్మిక పర్యటన.. ధరణి పనితీరు పరిశీలన