ముస్లిం సోదరులకు మిలాద్​ ఉన్​ నబీ శుభాకాంక్షలు: గవర్నర్ తమిళిసై

శుక్రవారం ఈద్​-మిలాద్​ ఉన్​ నబీ సందర్భంగా తెలంగాణ గవర్నర్​ తమిళిసై సౌందరరాజన్​.. రాష్ట్రంలోని ముస్లిం సోదరులకు శుభాకాంక్షలు తెలిపారు. కరోనా వ్యాప్తి చెందుతున్నందున ప్రతి ఒక్కరూ కొవిడ్​ నిబంధనలు పాటిస్తూ ఉత్సవాలు జరుపుకోవాలని ఆకాంక్షించారు.

కరుణ, సమానత్వం, ఐక్యత, సార్వజనీన సహోదరభావానికి మిలాద్​ ఉన్​ నబీ చిహ్నమని గవర్నర్​ తమిళిసై సౌందరరాజన్​ పేర్కొన్నారు. శుక్రవారం ఈద్- మిలాద్​ ఉన్​ నబీని పురస్కరించుకుని ముస్లిం సోదరులకు శుభాకాంక్షలు తెలిపారు. కరోనా మహమ్మారి ఇప్పటికీ అదుపులోకి రానందున పండుగ సందర్భంగా అందరూ కొవిడ్​ నిబంధనలను పాటిస్తూ ఉత్సవాలు జరుపుకోవాలని ఆకాంక్షించారు.

ఈ పండుగ రోజున రాష్ట్రమంతటా శాంతి నింపాలని గవర్నర్​ ప్రజలను కోరారు. సమాజంలో ఐక్యత, సామరస్యం, శాంతి, సోదర భావం, అభ్యుదయం వంటి వాటిని ప్రోత్సహించేందుకు అందరం తీర్మానించుకోవాలన్నారు.

ఇదీ చదవండిఃరాజ్‌భవన్‌లో బతుకమ్మ ఆడిన గవర్నర్‌ తమిళిసై