తెలంగాణ రాష్ట్ర అవతరణ దినోత్సవ వేడుకలు ఘనంగా సాగుతున్నాయి. ఆవిర్భావ దినోత్సవం సందర్భంగా హైదరాబాద్ గాంధీ భవన్లో టీపీసీసీ అధ్యక్షుడు ఉత్తమ్ కుమార్రెడ్డి జాతీయ పతాకాన్ని ఆవిష్కరించారు. వేడుకల్లో జానారెడ్డి, వీహెచ్, ఎమ్యెల్సీ జీవన్ రెడ్డి, కుసుమ కుమార్, షబ్బీర్ అలీ, ఇతర నాయకులు పాల్గొన్నారు.
సోనియా గాంధీ వల్లే తెలంగాణ
సోనియాగాంధీ వల్లే ఎన్నో ఏళ్ల తెలంగాణ కల సాకారమైందని టీపీసీసీ అధ్యక్షుడు ఉత్తమ్ కుమార్ రెడ్డి అన్నారు. పార్లమెంటులో కాంగ్రెస్ ఎంపీల పోరాటం వల్లే ప్రత్యేక రాష్ట్రం సాకారమైందని ప్రశంసించారు. 60 ఏళ్లలో 69 వేల కోట్ల అప్పులైతే నూతన రాష్ట్రం ఏర్పాడ్డాక 2 లక్షల 60 వేల కోట్లు వరకూ పెరిగాయని అన్నారు. అందుకు తగిన విధంగా అభివృద్ధి జరగలేదని వెల్లడించారు. ఎన్నికల్లో ఏ హామీని తెరాస ప్రభుత్వం అమలు చేయలేదని విమర్శించారు. ప్రజాస్వామ్య విరుద్ధంగా కేసీఆర్ పాలన ఉందని మండిపడ్డారు. రాష్ట్రంలో తెరాసను ఓడించేది హస్తం పార్టీయేనని పునరుద్ఘాటించారు.
ఇదీ చూడండి : 'అవినీతిని అంతమొందించేందుకు కొత్త రెవెన్యూ చట్టం'