'కరోనా నియంత్రణకు కేంద్రం అన్ని జాగ్రత్తలు తీసుకుంటోంది'

కరోనా నియంత్రణకు కేంద్రం ఏమీ చేయడం లేదనే మాటలు సరికాదని ముఖ్యమంత్రి కేసీఆర్ అన్నారు. కేంద్ర ప్రభుత్వం అనేక ముందు జాగ్రత్తలు తీసుకుంటోందని స్పష్టం చేశారు.

కరోనా వైరస్​ వ్యాప్తి నివారణకు కేంద్రం అనేక జాగ్రత్తలు తీసుకుంటోందని ముఖ్యమంత్రి కేసీఆర్​ పేర్కొన్నారు. విదేశాల నుంచి రాకపోకలను నిలిపివేసిందని తెలిపారు. ఇలాంటి సమయంలో పాలకులు బాధ్యతగా మాట్లాడాలని హితవు పలికారు. ఇష్టం వచ్చినట్లు ప్రకటనలు చేసి ప్రజలను భయాందోళనకు గురిచేయవద్దని సూచించారు.

కరోనా వైరస్​ను నివారించేందుకు రాష్ట్ర సర్కార్​ అన్ని రకాలుగా అప్రమత్తంగా ఉందని సీఎం కేసీఆర్​ తెలిపారు. "200 మంది వైద్య సిబ్బంది విమానాశ్రయంలో 24 గంటలు పనిచేస్తున్నారు. కరోనా ప్రబలితే దూలపల్లి, వికారాబాద్​లో ప్రత్యేక ఏర్పాట్లు చేశాం. అన్ని విషయాలపై ఇప్పటికే చర్చించాం. కరోనా వంటి సున్నిత విషయాలపై రాజకీయాలు చేయవద్దని" కేసీఆర్ కోరారు.

• ఇదీ చూడండి :వందేళ్లకోసారి కరోనా వైరస్ ప్రపంచాన్ని వణికిస్తోంది: కేసీఆర్