'న్యాయవ్యవస్థను ప్రజలు ఓ కంట కనిపెడుతుంటారు'

రాష్ట్రంలో న్యాయవ్యవస్థ గౌరవాన్ని కాపాడాల్సిన బాధ్యత జూనియర్ సివిల్ జడ్జిలపై ఉందని హైకోర్టు చీఫ్​ జస్టిస్ రాఘవేంద్ర చౌహాన్ అన్నారు. తెలంగాణ రాష్ట్ర జుడిషియల్​ అకాడమీలో 24వ బ్యాచ్​ జూనియర్​ సివిల్​ న్యాయమూర్తులకు దిశానిర్దేశం చేశారు.

న్యాయవ్యవస్థను ప్రజలు నిత్యం ఓ కంట కనిపెడుతూనే ఉంటారని తెలంగాణ హైకోర్టు ప్రధాన న్యాయమూర్తి జస్టిస్ రాఘవేంద్ర చౌహాన్​ అన్నారు. న్యాయ వ్యవస్థలోకి అడుగుపెట్టే జూనియర్ సివిల్ జడ్జిలు పారదర్శకంగా ఉండాలని సూచించారు.

తెలంగాణ స్టేట్ జుడిషియల్ అకాడమీలోని 24వ బ్యాచ్​లో చేరిన 51 మంది జూనియర్ సివిల్ జడ్జిలకు జస్టిస్​ చౌహాన్​ దిశానిర్దేశం చేశారు. ఏడాది పాటు అకాడమీలో ఉండే సివిల్ జడ్జిలు అన్ని అంశాలను సమగ్రంగా తెలుసుకోవాలని సూచించారు.

అకాడమీ... కేవలం జుడీషియల్ అధికారులను తయారు చేయడమేగాక, మంచి మనుషులుగా మలుస్తుందని జస్టిస్ చౌహాన్ పేర్కొన్నారు.