అసెంబ్లీ ఎన్నికల ఓట్ల లెక్కింపునకు సర్వం సిద్ధం - స్ట్రాంగ్‌ రూమ్‌లలో భద్రపరిచిన ఈవీఎంలు

Telangana Assembly Elections Counting Arrangements 2023 : తెలంగాణ అసెంబ్లీ ఎన్నికల కౌంటింగ్​ ఏర్పాట్లలో అధికారులు బిజీబిజీగా ఉన్నారు. హైదరాబాద్‌ సహా అన్ని జిల్లా కేంద్రాల్లో పలు విద్యా సంస్థలు, కార్యాలయాల్లో లెక్కింపు కేంద్రాలు సిద్ధం చేస్తున్నారు. ఉమ్మడి ఆదిలాబాద్‌, నిజామాబాద్‌, కరీంనగర్‌, వరంగల్‌ జిల్లాలో.. ప్రశాంతంగా పోలింగ్‌ ముగియడంతో అధికారులు కౌంటింగ్​కు ఏర్పాట్లు చేయడంలో తలమునకలయ్యారు.

Telangana Assembly Elections Counting Arrangements 2023: తెలంగాణలో ఎన్నికల పోలింగ్‌ ముగిసిన నేపథ్యంలో ఓట్ల లెక్కింపునకు ఏర్పాట్లు జరుగుతున్నాయి. జిల్లా కేంద్రాల్లో ఏర్పాటు చేసిన స్ట్రాంగ్‌ రూమ్‌ల్లో ఈవీఎంలను భద్రపరిచారు. ఈనెల 3న ఓట్ల లెక్కింపు చేపట్టనున్నారు. దీని కోసం జిల్లా కేంద్రాల్లో కౌంటింగ్‌ సెంటర్లను ఏర్పాటు చేశారు. హైదరాబాద్‌ సహా అన్ని జిల్లా కేంద్రాల్లో పలు విద్యా సంస్థలు, కార్యాలయాల్లో లెక్కింపు కేంద్రాలు సిద్ధం చేస్తున్నారు.

Telangana Assembly Elections 2023 :ఉమ్మడి ఆదిలాబాద్‌ జిల్లాలో పోలింగ్‌ ప్రశాంతంగా ముగిసింది. ఆదిలాబాద్ జిల్లాలో 79.86 శాతం పోలింగ్‌ నమోదు అయ్యింది. ఆదిలాబాద్ నియోజకవర్గంలో 77.20 శాతం, బోథ్‌ నియోజకవర్గంలో 82.93 నమోదు అయ్యింది. కొమురం భీం ఆసిఫాబాద్ జిల్లాలో 80.82 శాతం నమోదు కాగా.. ఆసిఫాబాద్‌ నియోజకవర్గంలో 80.48, సిర్పూర్‌ కాగజ్‌నగర్‌ నియోజకవర్గంలో 81.16 శాతం నమోదు అయ్యింది. మంచిర్యాల జిల్లాలో 75.59 శాతం పోలింగ్‌ నమోదు కాగా... మంచిర్యాల నియోజకవర్గంలో 69.06 శాతం, చెన్నూరు 79.97 బెల్లంపల్లి 81.19 శాతం పోలింగ్‌ నమోదు అయ్యింది. నిర్మల్ జిల్లాలో 78.24 శాతం పోలింగ్‌ నమోదు కాగా.. నిర్మల్‌ నియోజకవర్గంలో 76.66 శాతం, ముథోల్‌ 80.54, ఖానాపూర్‌ 77.46 శాతం ఓటు హక్కు వినియోగించుకున్నారు.

Concern of Congress leaders In Mancherial: మంచిర్యాల జిల్లా భీమారంలో బీఆర్ఎస్ నాయకులకు సంబంధిన నంబర్ ప్లేటు లేని వాహనాలను పోలింగ్ కేంద్రాల్లోకి తీసుకువచ్చారని ఆరోపిస్తూ కాంగ్రెస్ శ్రేణులు ఆందోళన చేపట్టారు. అక్కడే ఉన్న పోలీసులు, సిబ్బంది ఎందుకు అడ్డుకొలేదని ఆగ్రహం వ్యక్తం చేశారు. ఈ విషయం తెలుసుకున్న చెన్నూరు కాంగ్రెస్ అభ్యర్థి వివేక్ వెంకటస్వామి అక్కడికి చేరుకొని పోలీసులను నిలదీశారు. ఏ విధంగా పోలింగ్ కేంద్రంలోకి వారిని అనుమతించారని ప్రశ్నించారు. అనంతరం రామగుండం సీపీకి ఫిర్యాదు చేశారు. గొడవ సద్దుమణిగిన అనంతరం ఈవీఎంలను ప్రత్యేక పోలీసులు బందోబస్తు నడుమ స్ట్రాంగ్ రూమ్‌కు తరలించారు.

BRS leaders attacked BSP Leaders in Sirpur khagaznagar : సిర్పూర్‌ నియోజకవర్గంలో బీఎస్పీ కార్యకర్తలపై బీఆర్ఎస్ నాయకులు దాడి చేయడాన్ని ఆ నియోజకవర్గ అభ్యర్థి బీఎస్పీ రాష్ట్ర అధ్యక్షుడు ఆర్ ఎస్ ప్రవీణ్‌ కుమార్ తీవ్రంగా ఖండించారు. కాగజ్‌నగర్‌ మండలం పాత సర్సాల పోలింగ్ కేంద్రం వద్ద ఎమ్మెల్యే కోనేరు కొనప్ప అనుచరులు తమ కార్యకర్తలపై కర్రలతో దాడి చేయడం హేయమైన చర్యగా అభివర్ణించారు.

ఈవీఎంల మొరాయింపులు, వాగ్వాదాలు, ఉద్రిక్తతలు, లాఠీఛార్జిల మధ్య ఉమ్మడి నిజామాబాద్‌ జిల్లాలో శాసనసభ పోలింగ్‌ ముగిసింది. నిజామాబాద్‌, కామారెడ్డి జిల్లాల పరిధిలో గత ఎన్నికలతో పోలిస్తే పోలింగ్‌ శాతం తగ్గిపోయింది. ముఖ్య నాయకులంతా ఓటు హక్కు వినియోగించుకున్నారు. ఈవీఎంలలో సాంకేతిక సమస్యల కారణంగా, చివరి క్షణంలో ఓటర్లు తరలి వచ్చిన చోట పలు కేంద్రాల్లో సాయంత్రం ఐదు తర్వాత పోలింగ్‌ కొనసాగింది.

Telangana Assembly elections : ఉమ్మడి నిజామాబాద్‌ జిల్లాలోని.. నిజామాబాద్ జిల్లాలో 73.72 శాతం పోలింగ్‌ నమోదు అయ్యింది. నిజామాబాద్‌ అర్బన్‌ నియోజకవర్గంలో 68.56 శాతం, నిజామాబాద్‌ రూరల్‌ 76.42, బాన్సువాడ 81.26, ఆర్మూర్‌ 76.01, బోధన్‌ 71.08, బాల్కొండ 79.30శాతం పోలింగ్‌ నమోదు అయ్యింది. కామారెడ్డి జిల్లాలో 79.59 శాతం పోలింగ్‌ నమోదు కాగా... కామారెడ్డి నియోజకవర్గంలో 74.86 శాతం, జుక్కల్‌ 81.61, ఎల్లారెడ్డి 83.16 శాతం ఓటు హక్కును వినియోగించుకున్నారు.

Telangana Polling Percentage 2023 : ఉమ్మడి వరంగల్ జిల్లాలో నువ్వా నేనా అంటూ సాగిన పోరు ముగిసింది. జిల్లాలో సరాసరి శాతం 75 మేర పోలింగ్ నమోదైంది. వరంగల్ జిల్లాలో 78.06 శాతం నమోదు కాగా.. వరంగల్‌ పశ్చిమ నియోజకవర్గంలో 53.00 శాతం, వరంగల్‌ తూర్పు 66.82, వర్ధన్నపేట 80.22 శాతం ఓటేశారు. హనుమకొండ జిల్లాలో 66.38 శాతం పోలింగ్‌ నమోదు కాగా.. నర్సంపేట నియోజకవర్గంలో 87.89 శాతం, పరకాల 83.70 శాతం ఓటేశారు. జనగాం జిల్లాలో 85.74 శాతం నమోదు కాగా... జనగాం నియోజవర్గంలో 84.01 శాతం, స్టేషన్‌ ఘనపూర్‌ 86.44, పాలకుర్తి 86.68 శాతం ఓటు హక్కు వినియోగించుకున్నారు. భూపాలపల్లి జిల్లా 81.20 శాతం పోలింగ్‌ నమోదు అయ్యింది. మహబూబాబాద్ జిల్లాలో 83.70 శాతం పోలింగ్‌ నమోదు కాగా... మహబూబాబాద్ నియోజకవర్గంలో 81.09 శాతం, డోర్నకల్‌ 86.71 శాతం ఓటుహక్కు వినియోగించుకున్నారు. ములుగు జిల్లాలో 82.09 శాతం ఓటేశారు.

కరీంనగర్ జిల్లాలో 74.61 శాతం మంది తమ ఓటు హక్కు వినియోగించుకున్నారు. కరీంనగర్‌ నియోజకవర్గంలో తక్కువగా పోలింగ్‌ నమోదు అయ్యింది. 64.17 శాతం మంది మాత్రమే ఓటేశారు. చొప్పదండి 77.68, మానకొండూరు 81.32, హుజూరాబాద్‌ నియోజకవర్గాల్లో 80.62 శాతం మంది ఓటు హక్కు ఉపయోగించుకున్నారు. జగిత్యాల జిల్లాలో 76.10 శాతం పోలింగ్‌ నమోదు కాగా.. జగిత్యాల నియోజవర్గంలో 73.91 శాతం, కోరుట్ల 75.46, ధర్మపురి 79.00 శాతం మంది ఓటేశారు.

Highest Polling Percentage in Telangana 2023: పెద్దపల్లి జిల్లాలో 76.57 శాతం మంది ఓటేశారు. పెద్దపల్లి నియోజకవర్గంలో 81.01, రామగుండం 68.71, మంథని 79.14 శాతం పోలింగ్‌ నమోదు అయ్యింది. సిరిసిల్ల జిల్లాలో 76.12 పోలింగ్‌ నమోదు కాగా... సిరిసిల్ల నియోజకవర్గంలో 74.02 శాతం.. వేములవాడలో 78.43 శాతం మంది ఓటేశారు. పోలింగ్ ముగియడంతో.. ఇక ఆదివారం వచ్చే ఫలితాపైనే అందరి దృష్టీ నెలకొంది. ఎవరికి వారు గెలుపువై ధీమా వ్యక్త్తం చేస్తూన్నా.. ఓటరు దేవుడి కరుణ ఎవరిపైన ఉంటుందో.. తెలియక.. లోలోన ఆందోళన చెందుతున్నారు.