సర్కారు పాఠశాలల్లో ఉపాధ్యాయుల నియామకం కోసం నిర్వహించే టీచర్స్‌ రిక్రూట్‌మెంట్‌ టెస్టు(TEACHERS RECRUITMENT TEST) (టీఆర్టీ) ఇప్పట్లో ఉండే అవకాశంలేదు. రాష్ట్ర ప్రభుత్వం 56 వేలకు పైగా ఉద్యోగ ఖాళీలు(JOB VACANCIES) చూపినా.. అందులో పాఠశాల విద్యాశాఖకు సంబంధించిన ఉపాధ్యాయ ఖాళీలను(GOVERNMENT TEACHERS) చూపకపోవడం గమనార్హం. ఇప్పటికే కొత్త జిల్లాల ప్రకారం ఉపాధ్యాయ బదిలీలు(TEACHER TRANSFERS), పదోన్నతులు చేయాలని ప్రభుత్వం ఒక నిర్ణయానికి వచ్చింది. తాజాగా కొత్త జిల్లాల పోస్టుల సంఖ్యను ఖరారు చేయాలని ప్రభుత్వం ఆదేశించడంతో ఆ ప్రక్రియలో ఎన్ని చిక్కులు వస్తాయోనని అధికారులు వ్యాఖ్యానిస్తున్నారు. ఈ క్రమంలో ఇప్పట్లో టీఆర్టీ ఉండదని స్పష్టమవుతోంది.
ఉపాధ్యాయ ఖాళీలు లేవా?
తాజాగా మంత్రివర్గ సమావేశానికి విద్యాశాఖ ప్రతిపాదించిన ఖాళీల ప్రకారం పాఠశాల విద్యాశాఖలో 1,384 మాత్రమే చూపారు. ప్రస్తుతం ప్రభుత్వ పాఠశాలల్లో దాదాపు 12 వేల మంది విద్యావాలంటీర్లు పనిచేస్తున్నారు. అందులో ప్రాథమిక తరగతులకు బోధించే ఎస్‌జీటీలను పక్కనబెట్టినా 6-10 తరగతులకు బోధించే స్కూల్‌ అసిస్టెంట్ల హోదాలో పనిచేసేవారు సుమారు 5 వేల మంది ఉన్నారు. మరోవైపు కేంద్ర విద్యాశాఖకు రాష్ట్ర ప్రభుత్వం 13 వేల వరకు ఖాళీలున్నట్లు చూపింది. ప్రధానోపాధ్యాయుల ఖాళీలను పదోన్నతిపై భర్తీ చేసినా ఇంకా 11 వేల ఖాళీలుండాలి. కానీ పాఠశాల విద్యాశాఖ 1384 ఖాళీలనే చూపింది. ఇందులో 1024 ఆదర్శ పాఠశాలల్లో (మోడల్‌)నివే. సాధారణ టీఆర్‌టీలో వాటిని కలపరు. ఇంకా తెలంగాణ గురుకుల విద్యాసంస్థల సొసైటీ (టీఆర్‌ఈఐఎస్‌) 183, జిల్లా గ్రంథాలయ సంస్థ 150, పాఠశాల విద్యాశాఖ సంచాలకుడి కార్యాలయం 22, ప్రభుత్వ పరీక్షల విభాగంలో 5 ఖాళీలను భర్తీ చేయాలని విద్యాశాఖ ప్రభుత్వానికి సమర్పించింది. రాష్ట్రంలో 12 వేల ఉపాధ్యాయ ఖాళీలను భర్తీ చేసేందుకు 2016లోనే మంత్రివర్గ సమావేశం ఆమోదించింది. 2017లో టీఆర్టీ ద్వారా 8,792 ఖాళీలను భర్తీ చేశారు. ఇప్పుడు అసలు ఉపాధ్యాయ ఖాళీలను చూపకపోవడంలో ఆంతర్యం ఏమిటన్నది ప్రశ్నార్థకంగా మారింది.
విద్యాశాఖ కార్యాలయాన్ని ముట్టడిస్తాం