సికింద్రాబాద్లోని రెజిమెంటల్ బజార్ వద్ద ఉన్న మదర్ థెరిసా విగ్రహానికి పూలమాలలు వేసి తెదేపా ఆధ్వర్యంలో ఘనంగా నివాళులు అర్పించారు. మదర్ థెరిసా వర్ధంతి సందర్భంగా నిర్వహించిన ఈ కార్యక్రమంలో తెదేపా మల్కాజ్గిరి ప్రధాన కార్యదర్శి ముప్పిడి మధుకర్ ముఖ్య అతిథిగా హాజరయ్యారు. సమాజంలోని ప్రతి వ్యక్తి మదర్ థెరిసాలా సేవాగుణాన్ని కలిగి ఉండాలని అన్నారు. ప్రస్తుత కరోన విపత్కర పరిస్థితుల్లో రోగులకు సేవలందిస్తున్న వారంతా మదర్ థెరిసా మరో రూపాలని ఆయన అన్నారు. మానవసేవే మాధవసేవ అని భావించి ప్రతి మనిషికి సహాయపడుతూ.. సేవా గుణాన్ని పెంపొందించుకోవాలని ఆయన కోరారు. ఈ కార్యక్రమంలో స్థానిక తెదేపా నాయకులు కట్టల శ్రీనివాస్ యాదవ్, నాగరాజు గౌడ్, కైలాష్, శ్రీరాములు యాదవ్, జయరాజ్, వెంకటేశ్, అశోక్ యాదవ్, యాదగిరి, హరి, నారాయణ తదితరులు పాల్గొన్నారు.
మదర్ థెరిసాకు నివాళులర్పించిన తెదేపా నాయకులు! - సికింద్రాబాద్ వార్తలు
మదర్ థెరిసా వర్ధంతిని పురస్కరించుకొని సికింద్రాబాద్లోని రెజిమెంటల్ బజార్ వద్ద ఉన్న ఆమె విగ్రహానికి తెదేపా నాయకులు పూలమాలలు వేసి నివాళులు అర్పించారు. మల్కాజ్గిరి ప్రధాన కార్యదర్శి ముప్పిడి మధుకర్ ఈ కార్యక్రమానికి ముఖ్య అతిథిగా హాజరై.. మదర్ థెరిసా చేసిన సేవలను కొనియాడారు.
మదర్ థెరిసాకు నివాళులర్పించిన తెదేపా నాయకులు!