'ప్రైవేటు ట్రావెల్స్​కు టాక్స్​ మినహాయింపు ఇవ్వాలి'

లాక్​డౌన్ సమయంలో ప్రైవేటు ట్రావెల్స్ వాహనాలకు రోడ్డు పన్ను నుంచి మినహాయింపు ఇవ్వాలని వారు హెచ్చార్సీకి ఫిర్యాదు చేశారు. స్వీకరించిన రాష్ట్ర మానవ హక్కుల కమిషన్ రవాణా, రోడ్లు, భవనాల శాఖ ముఖ్య కార్యదర్శికి నోటీసులు జారీ చేసింది.

లాక్​డౌన్​లోనూ రోడ్డు పన్ను కట్టాలని తమను ఆర్టీఏ అధికారులు వేధిస్తున్నారంటూ ప్రైవేటు ట్రావెల్స్ యాజమాన్యాలు హెచ్చార్సీకి ఈ-మెయిల్ ద్వారా ఫిర్యాదు చేశాయి. ట్రావెల్స్ వాహనాలకు కొన్ని రోజుల వరకు పన్ను చెల్లించకుండా మినహాయింపు ఇచ్చేలా రవాణా శాఖను ఆదేశించాలని కోరాయి.

ఫిర్యాదును స్వీకరించిన హెచ్చార్సీ ఈ మేరకు నోటీసులు జారీ చేసింది. రోడ్డు పన్ను బకాయిల పేరుతో వాహనదారులను ఆర్టీఏ అధికారులు ఇబ్బందులకు గురి చేయొద్దంటూ ఆ నోటీసుల్లో పేర్కొంది.

ఇదీ చూడండి :పెట్రోల్​ బంక్​ వద్ద ఘర్షణ.. సీసీ కెమెరాల్లో రికార్డు